Bazen behin Behobia Donostian

Milaka jarraitzaile eta ‘haters’ batzuk ere baditu Behobia Donostia lasterketak. 60 urte baino gehiago dituen maratoi erdi popularrak milioika pausu bultzatu ditu urteetan eta dozenaka historia dotore, hunkigarri, mingarri, barregarri eta baita kooperatibo ere. Horietako bat da Jabi Garciak, Anabel Aranzadik, Irati Garciak eta Xabi Garciak osatzen duten familiarena. Aitak 27 edizio ditu hanketan, amak 25, alabak 3 eta semeak 2. Aurten, Garcia-Aranzadi familiak, beste behin, urteko egunik espezialena bilakatuko du azaroaren 8a. 61. Edizioa, Behobia-Donostia handia. 30 mila parte-hartzaileen artean izango dira laurak. Beste behin, elkarrekin Behobiako irteeran eta ondorengo Donostiako Boulevardeko festan eta familia bazkarian.