Arizmendi
Gaztelupen amaitu ditu Arizmendi Ikastolak Batxilergoko espazioen eraldaketa fasea
2019/04/01
Arizmendi Ikastolak (Eskoriatza, Aretxabaleta eta Arrasaten kokatua) konfiantzaren pedagogian jarri du fokoa. Hala, Batxilergoko espazioak arkitektonikoki egokitzen ari da. Arrasaten, Gaztelupe guneko espazioa inauguratu berri dute. Egokitzapen honekin, Batxilergoko espazioen eraldaketa faseari amaiera emango dio Debagoieneko aipatu ikastolak.
Arizmendi Ikastolako taldeak prest First Lego League Euskadiko kanporaketa jokatzeko
2019/02/13
Larunbatean, otsailaren 16an, jokatuko da Euskadiko FLL txapelketako kanporaketa Gazteizko Europa Jauregian. Hamargarren edizioa izango da eta Arizmendi Ikastolako lau taldek parte hartuko dute, 2 Almenekoak eta beste 2 Gaztelupekoak, guztira 40 ikasle inguru. TUlankide Almen gunean izan da, bertako bi taldeetako ordezkarien "lan saioan".
Arizmendi Kirol Elkarteak boleibol taldeak aurkeztu ditu
2019/02/12
Zazpi talde eta 84 jokalari ditu Arizmendi Kirol Elkarteko Boleibol egiturak. Guztira bi talde dira infantilak, beste bi talde kadeteak eta jubenil talde bat. Bat izan ezik, gainerako guztiak dira neska taldeak.
microFLL MONDRAGON-INNOBASQUEren lehen edizio arrakastatsua
2019/01/19
200 gazte inguruk hartu dute parte ULMA Taldea, Ikerlan, Mondragon Unibertsitatea eta Ausolanek antolatutako torneoan, Mondragon Unibertsitateko Goi Eskola Politeknikoko Iturripeko Campusean
Urtzi Amiano: "Erreferentziazko futbol txapelketa bilakatu gara"
2019/01/04
Gabonetako emakumezkoen futbol txapelketak 450 neska eta talde ugari batu ditu Arrasateko Mojategiko kirol gunean. Hamalaugarren edizioan Debagoieneko taldea izan da senior txapelketako garaile, Realari eta Eibar taldeari gailenduz. Aurreneko aldia da Debagoieneko taldea irabazle suertatzen dena. Urtzi Amiano da Arizmendi Kirol Elkarteko arduraduna eta txapelketaren antolatzaileetako bat. Hark egin digu balorazioa.
Abenduaren 27an eta 28an Emakumeen XIV. Futbol Txapelketa Arizmendiren eskutik
2018/12/19
Aurten, aurreko edizioetan ez bezala, Arrasateko Mojategi futbol zelaian jokatuko da Arizmendi Kirol Elkarteak sustatutako Gabonetako Emakumeen Futbol txapelkaren hamalaugarren edizioa. Lau maila arituko dira: alebina, infantila, kadetea eta seniorra. Lehenengo hiru mailetan futbol 8ko txapelketa egingo da abenduaren 27an. Senior mailan futbol 11ko goi mailako triangular bat jokatuko da abenduaren 28an: Erreala, Eibar eta Bergara, Arrasate, Oñati, Eskoriatza eta Aretxabaletako neskek osatzen duten Debagoieneko Selekzioa.
Arizmendi Ikastola, gizarte-ekintzailetzan erreferente den Ashoka Fundazioko kide da gaurdanik
2018/11/13
Ashoka, irabazi asmorik gabeko fundazioa da, independentea eta ez-konfesionala. Era berean, ez du inongo organo publiko zein pribsaturen menpe lan egiten. 1981ean sortu zen Ameriketako Estatu Batuetan eta 2005 urteaz geroztik Estatuan ere ari da lanean. Gaur egun 3.400 gizarte-ekintzaileko sare erraldoia osatzen du eta 300 ikastetxe Changemakers ditu munduan zehar.
"Ereindakoagatik esker onez"
2018/10/09
Loramendi Ikastolak ateak ireki zizkion euskarazko hezkuntzari Aretxabaletan. Hezkuntza arloko lehenengo kooperatiba ere izan zen, herritik sortua eta herriarentzat. Ordutik 50 urte igaro dira, Loramendi Ikastola desagertu da, baina euskararen lekukoak ez du etenik izan.
ALMEN guneko batxilergoko espazio irekia ofizialki inauguratu du gaur Arizmendi Ikastolak
2018/05/04
2017-2018 ikasturtean Batxilegoko 16-18 urte bitarteko gazteek espazio berriaz gozatzeko aukera izan badute ere, instituzioetako ordezkariek zein beste zenbait ikastoletako kideek gaur inauguratu dute espazio berria. Sormenerako egokia, irekia, argia eta berritzailea da ALMENeko gune Batxilergoko gune berria.
Ez dira esku hutsik bueltatu
2018/02/12
Zapatuan jokatu zen First Lego Leagueko Euskadiko Txapelketa Gasteizko Europa Jauregian eta Arizmendi Ikastolako Almen guneko talde batek robotaren diseinu onenaren sarietako bat eskuratu zuen.
