"Birziklanet-Sahara, bidaia baten kontakizuna" hitzaldia maiatzaren 12an Kulturaten

Ekitaldi honen helburu nagusia da Saharako errefuxiatuen kanpamenduetan arrakala digitala murrizteko martxan dagoen proiektu solidarioaren emaitzak eta bizipenak herritarrekin partekatzea. Arizmendi Lanbide Heziketako mikroinformatikako ikasle eta irakasle taldeak, Elkartenetekin elkarlanean, berregokitutako ordenagailuak Sahararaino nola iritsi diren eta bertako hezkuntzan duten eragina izango da saioaren ardatza.

Hizlari taldea

Hitzaldiak proiektuan parte hartu duten eragile desberdinen ahotsak bilduko ditu, ikuspegi osoa eskainiz:

• Mujtar Lebohi: Fronte Polisarioko ordezkaria.
• Saleh Zein: Proiektuaren ordezkaria Saharan.
• Gaizka Eraña: Birziklanet proiektuaren arduraduna.
• Beñat Irazabal: Arizmendi LHko zuzendaria.
• Jabi Alfaro: Elkartenet-eko arduraduna.

Proiektu honek elkartasuna, jasangarritasuna eta teknologia uztartzen ditu, Arizmendi Ikastolako ikasleen prestakuntza teknikoa gizarte-beharrizan errealekin lotuz.

Arizmendi Ikastolak dei egiten die herritar guztiei, eta proiektuaren babesle eta laguntzaileei, astearteko hitzordura hurbil daitezen bidaia honen kontakizuna lehen eskutik ezagutzeko.

• Eguna: Maiatzak 12, asteartea.
• Ordua: 18:00etan.
• Lekua: Kulturate (Arrasate).