TUlankide MONDRAGON

LagunAroko bazkideek euskararekin konpromiso irmoa dute

2018/03/09

Helburua hauxe da: euskaraz lan egiten duten kooperatiba eta mutualistei zerbitzua euskaraz ematea gaztelaniazko zerbitzuaren kalitate berarekin.
LagunAroko bazkideek euskararekin konpromiso irmoa dute

LagunAron euskararen arloan duten erronketako bat hauxe da: euskaraz lan egiten duten kooperatibei eta harremana euskaraz hasten duten mutualistei zerbitzua euskaraz ematea gaztelaniazko zerbitzuaren kalitate berarekin.

Geroz eta gehiago dira zerbitzua euskaraz eskatzen duten kooperatiba eta mutualistak eta eskaera horri erantzuteko lanean ari dira.

Erronka hori lortzeko bazkide eta langileak trebakuntza saioak egiten ari dira. Pasa den urritik abendura bitartean bazkide eta langileei “Zerbitzua euskaraz emateko euskara teknikoa” ikastaroa egiteko aukera eskaini zaie eta erantzun bikaina izan du, %81ak jaso baitu formazioa.

Gaur egun, LagunAroko langileen artean euskararen ezagutza maila %88koa da eta ulermen maila berriz, %92koa. Beraz, nabarmentzekoa da, ezagutza arloan indartsu dagoela Arrasateko kooperatiba eta, beraien beste indargune bat, kooperatiba eta mutualistekin harremana duten teknikariek zerbitzua euskaraz ematea bermatu dezaketela da.

Aurrera begira, pertsonak trebatzen jarraitzeko estrategiarekin segituko dute eta, ildo horretan, 2018ko otsailetik abendura bitartean 31 langile, plantilaren erdia baino gehiago,  arituko da ahoz zein idatziz euskara maila hobetzen.

Eguraldia
Igandea 23 Min: 15
Max: 31
Astelehena 24 Min: 10
Max: 21
Asteartea 25 Min: 8
Max: 21
Bideoak


+ Bideo gehiago

Papereko edizioa
Jarraitu twitterren
LagunAro

Iradokizunak

iradokizunak