Irakurriena
- 1. Eroskiko Kontseilu Errektoreak bonuen jaulkipen bat onartzeko eskatuko dio Batzar Nagusiari
- 2. MONDRAGON Healthek osasunaren merkatuan duen presentzia indartu du
- 3. Fagor Automation, Soraluce eta Danobat Hannoverreko EMO 2023 azokan
- 4. Mondragon Unibertsitateak eta LABORAL Kutxak talentua erakartzeko hitzarmena sinatu dute
- 5. Urriaren 22an egingo dute Mundukideren VIII. lasterketa solidarioa
- 6. "Talentua, berrikuntza eta ekintzailetza dira Mondragon Unibertsitatearen bereizgarriak"
- 7. Hamaika gaztek beren bizitzako abentura biziko dute
- 8. Aldaketa Stirling Zentroan eta Osagaien Dibisioko Berrikuntza zuzendaritzan
- 9. Mondragon Unibertsitateak 14 titulu berri eskainiko ditu hainbat jakintza-arlotan
- 10. IDEKOk piezak mekanizatu bitartean bibrazioak murrizteko teknologia berriak aurkeztu ditu Dublinen
Arizmendiko ikasleek Europako foroetan hartuko dute parte

Europako Gazte Parlamentua kultura arteko eztabaidan oinarritzen den gazteei zuzendutako egitasmoa da. Programa hautaketa prozesu bidez egiten da eta helburuak gazteen artean Europako kontzientzia garatzea, komunitateko partaide izatea eta eztabaidaren bitartez pertsonaren aktibotasuna sustatzea dira. Arizmendi Ikastolako Gaztelupeko taldeak hiru faseak gaindituta, Europako foroetan parte hartzeko aukera du. Heldu diren mailako berezitasuna da parte-hartzaileei ez zaiela balorazioa egingo. Era berean, etorkizunean epaimahai bezala aritzeko aukera ere izan dezakete.
Arizmendiren parte-hartzea
Arizmendi Ikastolak bultzatuta iaz egin zen lehenengoz MUko Goi Eskola Politeknikoan, Arrasaten. Elena Errasti Bigarren Hezkuntzako kudeatzaileak parte-hartzearen prozesua azaldu digu: “Ikasleek eskatuta ingeles irakaslea jarri zen harremanetan EYPrekin eta EAE mailan egitea posible zela adierazi zioten, baldin eta hainbat ikastetxek parte hartzen bazuten”. Aurten, Arizmendi Ikastola izan da Europa mailara sailkatu den ikastetxea, orain arteko bakarra.
Ikasleek ibilbidean izandako esperientzia
Ikasleek izandako esperientzia azaldu digute. Horretarako, Irati Lopez, Iker Bengoetxea eta Leire Carrerasekin egon gara, eta baita June Anduaga Batxilergoko irakaslearekin eta Bigarren Hezkuntzako kudeatzailea den Elena Errastirekin ere.
Gazteen ahotik
Iker Bengoetxea: “Lantzen ditugun gaiak ez dira urrutikoak, agian hemendik bi urtera horietako arazo batekin topatuko naiz”.
Irati Lopez: “Gaiak orokorrak dira baina gazteei bideratuta daude: adibidez, langabeziari buruz hausnartu behar bada, langabezia gazteen ikuspuntutik lantzen da”.
Leire Carreras: “Landu beharreko gaiaren testuinguruan sartzen zaituzte (antzerkiak, jokoak...) eta giro jakin bat sortzen da, proiektuak duen puntu erakargarrienetako bat da hori”.
Talde lanaren ahalegina
Irati Lopez: “Arazoak ez dira batenak ala bestearenak, arazoak guztionak dira eta horregatik du taldean aritzeak sekulako garrantzia”.
Leire Carreras: “Batzuetan sinestezinak dira batzuen iritziak eta horrelakoetan burua kontrolatzen jakin behar da”.
Iker Bengoetxea: “Bizimodu eta hezkuntza oso ezberdineko pertsonek osatzen dugu taldea eta denok ados egoteko modu bat aurkitu behar da, eta hori uste baino zailagoa da gaur egun”.
Lortutako konpetentziak
Irati Lopez: “Besteen iritziak entzutea garrantzitsua da, zure iritzia indartu egiten du”.
June Anduaga: “Europako gaiak aztertzeaz gain, beste balore asko ikasten dituzte eta komunikatzeko konpetentziak barneratze dituzte; pertsonekin kooperatu, errespetuaz argudioak kontrajarri, hizkuntzak ezagutu…”
Elena Errasti “Ikastolaren ikuspuntutik gaur egun konpetentzia askok eguneroko bizimoduan eragiten dute eta hezkuntzarako onuragarri diren diziplina horiek ikasi dituzte”.