Datorren ikasturterako irakasle bila ari da Arizmendi Ikastola

Bigarren Hezkuntzako irakasle "konprometituen" bila ari da Arizmendi Ikastola, komunikazio trebetasunak dituztenak, ikasleen behar pedagogikoen aurrean enpatia eta sentsibilitatea erakusten dutenak, eta taldean modu eraginkorrean lan egiteko gaitasuna dutenak. Datorren ikasturterako bete nahi ditu lanpostuak ikastolak, ikasturte osorako lan kontratuarekin, euskara, gaztelania, ingelesa, musika, zientziak eta matematika arloetan.

Bete beharreko baldintzak
Beharrezkoa da materia bakoitzari dagokion gradua izatea, euskarako C1 mailarekin eta DBHn irakasle aritzeko unibertsitate masterrarekin batera.

Interesdunek curriculuma lehenbailehen Arizmendiko webgunera bidaltzeko eskatu du ikastolak.