Culinary Zinemak bere programazioa iragarri du, Joan Roca eta Dani García sukaldariak tartean direla

Donostia Zinemaldiko Culinary Zinema sailak, Basque Culinary Centerrekin elkarlanean antolatutakoak, aurtengo ediziorako programa aurkeztu du. Ekimenak zinema emanaldiak eta gastronomia proposamenak uztartzen ditu, eta bost filmek eta gaikako lau afarik osatzen dute.

Pen-Ek Ratanaruangek zuzendutako Morte cucina thriller thailandiarrarekin inauguratuko da zikloa, eta Jorge Fernándezek eta Virginia Jönasek zuzendutako Uno de los nuestros: Legado Joan Roca dokumentalarekin emango zaio amaituko da.

Zikloa osatzeko, beste hiru film izango dira ikusgai: Jota Urondo, un cocinero impertinente, Mariana Erijimovichek eta Juan Villegasek zuzendutakoa; Mam, fikziozko film frantsesa, Nan Feix zuzendariarena, Texasko sukaldari bati buruzkoa, New Yorken Vietnamgo jatetxe bat irekitzea amesten duena; eta Tetsu, Txispa, Hoshi, Tetsuro Maeda sukaldari japoniarrari eta Txispa jatetxeari buruzko dokumentala, Jon Arreguik zuzendua. Bost lanak Culinary Zinema saria eskuratzeko lehiatuko dira.

Aldi berean, proiekzioei lotutako lau afari egingo dira irailaren 23tik 26ra Basque Culinary Centerren. Edizio honetan parte hartuko duten chefak Joan Roca (El Celler de Can Roca), Dani García (Grupo Dani García), Tetsuro Maeda (Txispa), Javier Urondo (Urondo Bar) eta Kitchen 154ko taldea dira.

Sarrerak, proiekzioa eta afaria barne, salgai daude jada Donostiako Zinemaldiaren webgune ofizialean.

Mam filmak ez du afaririk izango, eta, beraz, sarrerak irailaren 16an jarriko dira salgai.