Enpresen sustapena.
Irakurriena
- 1. 2020ko albisterik garrantzitsuenak begiratu batean
- 2. Bilbao As Fabrik inauguratu dute Bilboko Udalak eta Mondragon Unibertsitateak
- 3. New York Times egunkariak MONDRAGONen eredu kooperatiboan erreparatu du
- 4. “Estatu osorako txertoak banatzeko eta biltegiratzeko gaitasuna du Bexen Medical-ek”.
- 5. Iñigo Ucin, MONDRAGONeko lehendakaria: "Pandemia honetan kooperatibek egin dutena izugarria izan da"
- 6. Mondragon Unibertsitateak nerabeek sare sozialetan dituzten ohiturak ikertu ditu
- 7. 245.000 bisitatik gora jaso ditu tulankide.com-ek 2020an zehar
- 8. “COVID-19 eta ondoren zer?” liburuan, pandemiaren ondorioak eta erronkak aztergai
- 9. "Ekonomia ez da itzali eta piztean lehengoratzen den makina bat"
- 10. Fagor Arrasatek 24 milioi inbertituko ditu eraldaketa digitaleko proiektuetan
Arrakastatsua izan da lehen inbertsio-foro industriala
50 lagun baino gehiago elkartu ziren Garaian iragan urriaren 24an Keiretsu Forum-MONDRAGON I. inbertsio foroan parte hartzeko. Bi entitateek elkarren artean antolatutako lehen inbertsio-foro industriala izan da. Keiretsu Forum, inbertitzaile pribatuen nazioarteko sare nagusiena da. 53 egoitza ditu 4 kontinentetako 27 herrialde ezberdinetan, AEB, Europa, Txina eta Japonia bereziki nabarmenduz.
Jardunaldia mahai-inguru batekin hasi zen. Bertan, produktu- eta industria-alorretako startup-en inguruko inbertsioari buruz mintzatu ziren German Cutillas, Alberto Moratiel eta Joseba Sagastigordia inbertitzaile industrialak, Everis taldeko Venture Capital Partner-a, ENISA-ko Harreman-instituzionaletako zuzendaria eta MONDRAGON Sustapen Zentroko enpresa-sustapen arduraduna, hurrenez hurren.
Jarraian, inbertsio-foroari hasiera eman zitzaion. Aurretiaz hautatutako 9 enpresa eta startup ezberdinek aurkezpenak egin zituzten. Jardunaldiaren amaieran networking tartea ere izan zuten bertaratutakoek, beren arteko harremanak sendotzeko eta ikuspuntuak partekatzeko aukera izanik.
Argazki gehiago: Inbertsio foro industriala
Enpresen sustapena.
