Cikautxo eta Fagor Ederlan, klima-kudeaketan munduko enpresa liderren artean

CDPk (Carbon Disclosure Project), ingurumen-gardentasunean munduko erreferenteetako batek, duela gutxi argitaratu du ekintza klimatikoan hornitzaileak inplikatzen dituzten enpresa liderren zerrenda. Maila globalean hautatutako 1.400 enpresetatik, Cikautxo eta Fagor Ederlan dira talde txiki horretako kideak, eta Ibex-35eko hainbat konpainia ere biltzen ditu. 

Bi kooperatibek hainbat ekimen ezarri dituzte eraginkortasun energetikoa optimizatzeko, karbono-aztarna murrizteko eta ekonomia zirkularra sustatzeko

Aitorpen horrek Cikautxok eta Fagor Ederlanek beren ekoizpen-prozesuen jasangarritasunarekin eta kudeaketa arduratsuarekin duten konpromisoa azpimarratzen du, zuzeneko ingurumen-aztarna murrizteaz gain, hornitzaileak klima aldaketaren aurkako ahalegin kolektiboan aktiboki inplikatzen dituen eredu baten aldeko apustua eginez.

Bi kooperatibek hainbat ekimen ezarri dituzte eraginkortasun energetikoa optimizatzeko, karbono-aztarna murrizteko eta ekonomia zirkularra sustatzeko, eta helburu horiek nazioarteko aintzatespen entzutetsu horretan islatzen dira.

Fagor Ederlanek Eskoriatzan duen lantegiaren sarrera nagusia (Gipuzkoa)

"Suplier Engagement Leader" sailkapenak hainbat alderdi ebaluatzen ditu, hala nola enpresaren estrategia klimatikoa, deskarbonizazio-helburuak, emisioen neurketa balio-katean eta gardentasuna emandako informazioan.

Zerrenda osoa begiratu nahi baduzu, webgune honetan sar zaitezke:
https://www.cdp.net/en/supply-chain/supplier-engagement-assessment