Irakurriena
- 1. Bilbao As Fabrik inauguratu dute Bilboko Udalak eta Mondragon Unibertsitateak
- 2. New York Times egunkariak MONDRAGONen eredu kooperatiboan erreparatu du
- 3. “Estatu osorako txertoak banatzeko eta biltegiratzeko gaitasuna du Bexen Medical-ek”.
- 4. Iñigo Ucin, MONDRAGONeko lehendakaria: "Pandemia honetan kooperatibek egin dutena izugarria izan da"
- 5. Mondragon Unibertsitateak nerabeek sare sozialetan dituzten ohiturak ikertu ditu
- 6. 245.000 bisitatik gora jaso ditu tulankide.com-ek 2020an zehar
- 7. “COVID-19 eta ondoren zer?” liburuan, pandemiaren ondorioak eta erronkak aztergai
- 8. "Ekonomia ez da itzali eta piztean lehengoratzen den makina bat"
- 9. Fagor Arrasatek 24 milioi inbertituko ditu eraldaketa digitaleko proiektuetan
- 10. Leartikerrek miokardio-infartua tratatzeko soluzioak garatzen duen proiektuan hartzen du parte
Arizmendi Ikastolak First Lego League txapelketako Euskadiko kanporaketara joateko taldeak aukeratu ditu gaur

Aurten, aurrenekoz, DBHko laugarren mailako teknologia lerroko ikasle guztiek parte-hartu dute First Lego League txapelketako ikastola barneko fasean. Guztira, Almen eta Gaztelupe guneetako 80 ikasle inguruk, taldeka banatuta, proiektua garatu behar izan dute, eta robotarekin ariketak egin behar izan dituzte, 'euren lana defendatuz eta Zamudion jokatuko den Euskadiko Txapelketan parte-hartzeko txartela eskuratzeko asmoz', adierazi digu Mikel Eguren irakasleak. Abenduaren 14an jokatuko da txapelketa Zamudion, Euskaltelen eraikin zentralean.
Iñaki Agirrebengoa, talde baten proiektu zientifikoaren aurkezpenean, gaur Ikerlaneko egoitzan.
Arizmendi Ikastolako 80 ikasle, 3 irakasle, 9 talde
Gaurko barne txapelketan, Euskadiko txapelketarako sailkapena eskuratzeko baliagarrian, guztira 80 neska mutiko aritu dira, 9 taldetan banatuta. Eta horietatik guztietatik hiru talde aukeratuko dituzte Euskadikora joateko. Taldeek Mondragon Unibertsitatearen eta Ikerlanen babesa jasoko dute, eta arloko profesionalekin garatu ahal izango dute proiektua.
First Lego League hiru zatitan dago banatuta eta guztietan lan txukuna egitea ezinbestekoa da kanporaketak irabazteko. Hain justu ere, lehenik eta behin proiektu zientifikoa egin behar dute: "Aurten naturak eragindako katastrofeei aurre egiteko bideak jorratu eta proiektua garatu behar dute", adierazi digu Iñaki Agirrebengoa irakasleak. Era berean, proiektu tekniko edo teknologikoa ere garatu behar dute, eta egunero-egunero euren bloga elikatu behar dute arlo horretako edukiekin. Hirugarren egitekoa ere ez da edonolakoa, robotaren froga baita: "Agian ikusgarriena, izan ere, robotak eragiketa ezberdinak egin behar ditu, bi minutu eta erdian. Orduan eta misio gehiago egin puntuazio altuagoa lortuko du".
Mikel Egiguren irakaslea, ikasle baten lana jarraitzen.
Laugarren edizioa
Aurtengoa laugarren edizioa izango da Arizmendi Ikastolarentzat, eta aurreko hiru urteetan lan dotorea egin dute txapelketan. Besteak beste, orain hiru urte Espainiako txapelketara sailkatu ziren eta zenbait sari ere eskuratu izan dituzte.
Aurten, ikasleek honako irakasleen laguntza izango dute euren proiektu eta ametsak errealitate bilakatzeko: Iñaki Agirrebengoa eta Mikel Egiguren Gaztelupe gunean eta Beñat Irazabal Almenen. Hiruek gaurko aurkezpenean komentatu digutenez, lehiaketa garrantzitsua bada ere, "inportanteagoak dira lehiaketaren beste ezaugarri batzuk. Izan ere; elkartasuna, elkar-lana, proiektuen taldekako garapenaren kontzientzia... eta beste zenbait balio sustatzen laguntzen digute".
Beñat Irazabal irakaslea, robotaren lana prestatzen.
Argazki bilduma hemen: http://www.flickr.com/photos/tulankide/sets/72157637937345336/