Gazte kooperatibisten lehen topaketa Bilbon azaroaren 20an

"Noizbait pentsatu duzu kooperatibismoaren etorkizuna kolokan dagoela?" Galdera horri erantzunez zenbait gaztek Koopaketa ekimena sortu dute, gazteen ahotsak entzun eta etorkizuneko kooperatibismoaren ereduan erabakigarriak izateko. Egitasmoaren antolatzaileen esanetan "kooperatibismoak gazteago izan behar du eta gazte gehiago behar ditu". Hala, duintasunaren, erantzukizunaren eta iraunkortasunaren alde dauden ereduak ezagutzeko gogoa izanez gero, Koopetan parte-hartzera gonbidatzen dituzte gazte guztiak.

Lehenengo topaketa Bilbon egingo da, Dock aretoan, azaroaren 20an, goizeko 9etatik 14:00etara

Lehenengo topaketa Bilbon egingo da, Dock aretoan, azaroaren 20an, goizeko 9etatik 14:00etara. Plaza mugatuak izango dira eta dagoeneko izena emateko aukera irekita dago: https://forms.gle/6PTYQuoxEdCkAFqQ7

"kooperatibismoak gazteago izan behar du eta gazte gehiago behar ditu"

Hitzaldiak, mahai inguruak eta talde dinamikak

Koopetaren lehenengo edizioan askotariko hitzaldi, mahai inguru eta talde dinamika izango dira. Besteak beste, Helena Gorroño (Nazioarteko Kooperatibisten Aliantzako Europako gazte sareko zuzendariordea), Jonkass (musikari eta kazetaria), Marina (dibulgatzailea eta Ecoon egitasmoko kidea), Maddalen Agirre (Danobat), Miren Munitis (Lauaxeta Ikastola), Itxiar Lopez (Koopera), Lorea Argarate (Tazebaez) eta Marta Areizagak (Hazi Koop.) parte hartuko dute. 

Jardunaldia goizeko 9etan abiatuko da. Helena Gorroñoren ongietorriaren ondoren eredu kooperatiboaz arituko dira. Gaurko egoeraz eta etorkizunaz. Eredu kooperatiboa begi berrietatik' horixe izango da lehenengo solasaldiaren izenburua. Ondoren, talde dinamikak eta mahai inguruak izango dira 14:00ak bitartean.