Irakurriena
- 1. Kooperatiben Korrikako argazki galeria ikusgai
- 2. Aldapako Korrika arrakastatsua
- 3. Laboral Kutxaren 'Zentzua' esperientzia, TU Lankideren gai nagusia
- 4. 'Nature' aldizkariaren arabera desberdintasunaren aurkako eta jasangarritasunaren aldeko eredua da MONDRAGON
- 5. MONDRAGONeko kooperatibek 55 kilometro eta hamarnaka ekimen Korrikan
- 6. Bexen Cardiok bat egin du Korrika 23rekin
- 7. Fagor Electrónicak Triax Digital Solutions (TDS) erosi du, egoitza eta hirugarren sektorerako multimedia soluzioen merkatua gidatzeko
- 8. Nerea Aranguren, DanobatGroupeko eta MIAko zuzendari nagusia eta MONDRAGONeko lehendakariorde berria
- 9. Kooperatibismoaren emakume aitzindariak omen dituzte Kooperatiben Kontseiluak eta Konfekoopek
- 10. 74ko sortzaileei omenaldia egin diete Aurrenak kooperatiban
TUlankideren hemeroteka historikoa klik batean
Hemeroteka kontsultatu daiteke honako link honetan: https://www.tulankide.com/eu/papereko-edizioa
Lehen zenbakia: 1960ko irailean
Jose María Arizmendiarrietak sortu zuen aldizkaria eta 1960 urteko irailean kaleratu zen lehendabiziko alea, Cooperación izenarekin. Lehen alean, artikulu ezberdinak jasotzen ziren, hala nola: “El primer cooperativista”, “El ahorro”... garaia hartakoa zazpi orrialdeko boletina zen, makinaz idatzita, diseinu handirik gabe.
Aldizkariak Cooperación izena eraman zuen 1964 arte eta hortik aurrera, T.U. Trabajo y Unión deitu zen. Urte batzuk beranduago, beste hitz bat gaineratu zen eta horrelaxe sortu zen TU Lankide eta izen bera mantendu du gaur arte.
612 zenbaki 60 urte hauetan
Urte hauetan izan duen eboluzioa izugarria izan da. Guztira 612 aldizkari kaleratu dira eta aurten beteko du 60 urte. Edukiz beteriko aldizkariak dira: erreportajeak, notiziak, elkarrizketak, kolaborazioak… Eta modu berean, funtsezkoa izan da aldizkaria garatzen lagungarri izan den kolaboratzaile sarea ere. Horiei guztiei esker lortu ditugu hainbat artikulu interesgarri: Esperientzia Kooperatiboa, Hezkuntza, Solidaritatea, Interkooperazioa, Osasuna, Hirugarren adina… hauek eta beste gai asko jorratu ditugu.
Halaber, historian zehar asko izan dira landu ditugun aldizkari bereziak ere, esperientzia kooperatiboan mugarri izan direnak gainera. Hauek dira aipagarri, besteak beste:
Arizmendiarrieta hil zeneko alea (1976ko azaroan); euroaren ezarpena; plangintza estrategikoak; zenbaki monografikoak Caja Laboral, Mondragon Unibertsitatea, Lagun-Aro, Humanity at Music …
Modu berezian aipatzen dugu 2019an kaleratu genuen beste hau ere: Gorroñogoitia eta Ormaetxea: Gure gogoan! Bi fundatzaileen heriotza geratu zenean garatu zen, biei omenaldi beroa egiteko aprobetxatu genuen.
Informazio iturri paregabea
Edozein modutan, hemeroteka funtsa dokumental handia da, gure historiaren lekuko eta hainbat detaile eta xehetasun ematen dituena.
Kontsultatu hemen: HEMEROTECA