TEP programak talentua duten gazteak erakarri nahi ditu

Lea Artibai Ikastetxeak eta Leartikerrek Technology Entrepreneurship Program proiektua bultzatzen dute, Bizkaiko Foru Aldundiaren eta Europako Gizarte Funtsaren Bizkaia:talent programarekin lankidetzan, eta Mondragon Korporazioko, Azaro Fundazioko eta Renault Consulting-eko enpresen babesarekin.

Proiektuaren helburua da 9 urtetan gutxienez 180 unibertsitate-tituludunen enplegatzeko aukerak hobetzea, eta horietatik gutxi gorabehera 120k kualifikazio handiko enplegua lortzea proiektuan parte hartu ondoren. Enplegu horiek, programaren ezaugarriak kontuan izanda (oinarri teknologikoa), egonkorrak izango dira, Bizkaiko biztanleriaren iraunkortasuna ziurtatuko dutenak.

Bigarren edizio honetan, hainbat herrialde eta ezagutza-arloetako ikasleak erakartzea espero da, programan parte hartzen duten enpresen beharren arabera.

Hala, beste urte batez, Markinako campusa ikasleentzako nazioarteko bilgune bihurtzen da. Hala, kanpoko ikasleek, bertakoekin batera, oso nahaste dinamikoa eta pizgarria osatzen dute. Ikasleek bi hilabeteko prestakuntzaldi trinkoa betetzen dute material polimerikoetan nahiz elikagaien industrietan, eta, horren ondoren, enpresa eta gune teknologikoetarako bisitaldiak enpresetako praktikekin tartekatzen dituzte 7 hilabetez.

Datozen asteetan hasiko da talentu berriak biltzeko zeregina bigarren ediziorako. Informazio zehatzagoa izateko interesa dutenek orri honetan kontsultatu dezakete: www.talentfortep.com.