Irakurriena
- 1. Gipuzkoako Bazkundeak 2024ko Gipuzkoako Enpresa saria eman dio MLAKoop kooperatibari
- 2. Arkaitz Etxezarreta, Errekako zuzendari nagusi berria
- 3. “Gizarte hobe bat sortzea, hori da gure utopia eta, gure inperfekzio guztiekin, utopia hori lurreratzen saiatzen gara”
- 4. Espainiako Bankuko gobernadoreak MONDRAGON bisitatu du
- 5. Errekak Darwin Biomed startuparekin bat egin du, Health linea bultzatzeko helburuarekin
- 6. Ingeniaritza eta Zerbitzuen Dibisioa Advanced Factories-en egongo da
- 7. Arizmendi ikastola, 20 urte
- 8. Parte-hartze handia LagunAro BGAEren 2024ko ohiko batzarrean
- 9. LKS Next Estatuko lehen 100 teknologikoen artean, 2023ko fakturazioaren arabera
- 10. Kooperatiben Korrikako argazki galeria ikusgai
Osasungarriak diren elikagai berritzaileen garapenari buruzko jardunaldia
Markina-Xemeingo zentro teknologikoak, elikagai osasungarriei buruzko “Elikagaien industriaren eraberritzea: produktu osasuntsu eta seguruen garapena” izeneko jardunaldia antolatu du datorren ostiralera begira, hau da, apirilaren 19rako.
Lea Artibaiko Berrikuntza Gunean burutuko da ekitaldia eta azken berrikuntzen inguruan arituko diren enpresa zein ikerkuntza zentro garrantzitsuenetako adituen parte hartzea izango du.
Leartikerreko elikagaien teknologien ikerkuntza saileko arduraduna den Naia Andonegi eta Azaro fundazioko promozio eta garapenean aditua eta teknikoa den Maria Txakartegiren sarrera labur batekin hasiko da jardunaldia. Hasierako sarrera hau, XXI. Mendean elikagaien sektorean emandako berrikuntza estrategien ingurukoa izango da.
Ondoren, Ikerketa Zientifikoen Kontseilu Goreneko hainbat zentroko ordezkariak diren Javier Fontecha eta Franciasco Jimenez Colmenerok ponentzia bi aurkeztuko dituzte, bata “haragizko produktu osasungarrien garapena” eta bestea, “esnekien sektoreari ezarritako joera berritzaileak”.
Gero, TATE & LYLE Spain enpresako kide den Sara Rodrigok hainbat elikagai produktuetan ezarritako osagai naturalez mintzatuko da.
Kafea hartzeko atsedenaldiaren ondoren, UNILEVER Espainiako komunikazio zuzendaria den Ana Palenciak, konpainia multinazionalean produktu osasuntsu berriak aurkezterakoan izandako arrakasten hainbat kasuz arituko da.
Jarraian, sedea Bartzelonan duen Kalatuniako ikerkuntza institutuko ikertzaile Elena Fulladosak, ondutako urdaiazpikoari gatz kopurua gutxitzeko prozesu berritzaile bat azalduko du.
Amaitzeko, Elika Fundazioko Edurne Gantxegi nutrizionalak eta osasuntsuak diren elikagaien etiketatze arauen inguruan arituko da.