Irakurriena
- 1. Idoia Mujika Uribesalgok hartuko du bere gain Mondragon Lingua-Alecopen zuzendaritza nagusia
- 2. Osartenek eskaintzen dituen zerbitzuek bikainekoa jaso dute
- 3. Oroi, LEINNetik sortutako enpresa teknologikoa
- 4. MONDRAGON Mexikoko Unibertsitatearen 10. urteurrena
- 5. Eusko Jaurlaritzak hiru milioi euroko laguntzak eskaintzen ditu adimen artifiziala sustatzeko enpresetan
- 6. 3Kimu proiektuak aukeratu ditu bederatzi lan finalistak
- 7. Ikerlanek 28 milioi euroko diru-sarrera historikoak lortu ditu
- 8. Ausolan, 2023ko Enpresen lasterketan irabazle
- 9. Orbeak bere proiektua sendotu du mila pertsona baino gehiagorekin
- 10. 2023ko Itzuliaren irteerak eman dio hasiera ofiziala EIKAren 50.urteurreneko ekitaldiei
Osartenek aitortza jaso zuen Nazioarteko Segurtasun eta Lan-Osasunaren V. Kongresuan

Segurtasun eta Lan-Osasunaren Nazioarteko egunean gogorarazi nahi da enpresen lehiakortasunerako aukera bikaina dela osasun eskubidea. Lan segurtasuna eta osasuna izan dira, hain justu ere, oraingo astean aldizkari eta egunkari askotako portada, izan ere, arlo horretako bosgarren nazioarteko kongresua egin da Bilbon, eta Osarten-ek parte-hartze esanguratsua izan du.
Kongresua apirilaren 24an eta 25ean egin da Euskalduna Jauregian, Bilbon. Bertan segurtasun eta lan-osasunaren arloan urtean zehar landutako esperientziak partekatzeko aukera izan dute parte-hartzaileek, eta azken nobedadeen inguruan ideia eta ezagutzak konpartitzeko. Hitzordua garrantzitsua da eta bertan Osartenen, MONDRAGONen kooperatibaren, parte-hartzea aipagarria izan da.
Apirilaren 24an Igor Lopez eta Martin Silva Osarteneko aholkulariek parte hartu zuten 'kultura prebentiboa hezkuntzan' izeneko mahai inguruan. Egun horretan, Marisa Seco, Osarteneko laborategiko zuzendariak, hitzaldia eskaini zuen. Apirilaren 25ean, berriz, Natxo Ranz Osarteneko ergonomoak mahai inguru batean parte hartu zuen, eta Zigor Artamendi Osarteneko zuzendariak beste mahai inguru batean esku hartu zuen, 'Prebentzio zerbitzuak: helburuak eta prebentzio profesionalen akzioak' izenburupean.
Amaiera ekitaldia Lehendakariarekin
Amaiera ekitaldian Iñigo Urkullu lehendakariak adierazi zuen euskal gizartearentzat segurtasun eta lan-osasunaren arloa oso garrantzitsua dela eta horrexegatik etengabe ikastea eta neurriak hartzea asko baloratzen dela gure herrialdean, "horri esker istripu ugari eta hildakoak ekidin ahal izan ditugu" adierazi zuen.
Kongresuaren itxiera ekitaldian, gainera, aipamenak eta sariak banatu ziren. Horietako bat Osarteneko Marisa Secok eskuratu zuen, berak eskainitako hitzaldiagatik.
Segurtasun eta Lan-Osasunaren Nazioarteko Eguna
Osartenek gogorarazi nahi izan du gaur ospatzen dela mundu osoan Segurtasun eta Lan-Osasunaren Nazioarteko Eguna. "Urteko gainerako 364 egunekin batera, gaurkoa egutegian egun garrantzitsua da enpresa, erakunde eta pertsonentzat kultura prebentiboa sustatzen jarraitzeko eta osasun eta segurtasuna bermatzeko lanean tinko egiteko. Osartenetik pertsona eta profesional horiek guztiak zoriondu nahi ditugu, egunero-egunero hobetzeko eta aipatu arloan aurrera pausoak emateko egiten duten lanagatik. Zorionak!".