Irakurriena
- 1. Kontxako Banderan ontzirik kooperatiboena
- 2. “Ez da sorpresa bat izan. PISAk irakurketaren ulermenari buruz dioena, adibidez, Ikastolan behin baino gehiagotan partekatu izan den kezka da"
- 3. Andoni Jimenezek hartu du Tajoren zuzendaritza nagusia
- 4. Gustavo Belizek eta Daniel Innerarityk MONDRAGON Esperientzia Kooperatiboa ezagutu dute Otaloran
- 5. Arrasateko Olandixo eremuaren berrurbanizazioa
- 6. Eroskik abian jarriko du ‘Rojo con Rosa’, enpresa lidergoaren erronka handiez gogoetatzeko bideopodcast berria
MONDRAGON, Euskaraldiarekin bat
MONDRAGON Korporazioko kooperatibak urte luzez ari dira lanean euskararen erabilera indartzeko eta urrats asko eman dituzte euskararen normalizazioan. Euskal Herrian MONDRAGON erreferente da euskararen erabileran, eta adibide asko dira euskara bizi bizi eta egunerokoan dagoela Korporazioan eta korporazioko kooperatiba ezberdinetan, bai eguneroko bileratan, lan harremanetan edo eta kongresu eta foroetan.
Guztira, MONDRAGONeko 60 kooperatiba baino gehiagotan ari dira Euskaraldia modu aktiboan lantzen
Euskarak bide luzea egin du kooperatiba gehienetan, baina oraindik bada ibili beharreko tartea euskararen erabateko normalizaziorako eta Euskaraldia oso ekimen ederra da euskararen aldeko jarrera erakusteko. Guztira, MONDRAGONeko 60 kooperatiba baino gehiagotan ari dira Euskaraldia modu aktiboan lantzen.
-
4.200 Ahobizi baino gehiago.
-
1.460 Belarriprest baino gehiago.
-
1.070 Arigune baino gehiago.
Eta numeroei erreparatuz gero, asko dira, milaka dira, MONDRAGONeko kooperatibetan Euskaraldiarekin bat egin dutenak eta ekimenari erabateko babesa erakutsi diotenak. Hala, 4.200 Ahobizi baino gehiago daude, 1.460 Belarriprest baino gehiago eta guztira 1.070 Arigune sortu dira, tartean TUlankideren erredakzio kontseilua.
