Nafarroako Museoan euskaraz eta euskarak elkartuta

Bertan duela bost mila urteko menirra, Europa mendebaldeko maparik zaharrena, Aribeko emakumea, Loizuko gizona, Irulegiko eskua eta Pompeloko togaduna ezagutu dituzte, museoko adituek euskaraz gidatuta.

Ekimen hauen bidez Nafarroako kooperatibetan lanean ari direnen harremana sendotzen ari da euskara erdigunean eta oinarrian egonda. Parte-hartze politarekin urteroko hitzordua erreferentziazko ari da bihurtzen eta antolatzaileak hurrena zein leku edo ekimen proposatu pentsatzen hasita daude.

Euskarak batzen gaitu eta halaxe bizi dugu ekimenez ekimen  

Nafarroako Euskara Batzordea

Laboral kutxa, Embega, Ausolan, Mapsa eta Tafalla Iron Foundryko ordezkariek hartzen dute parte Nafarroako kooperatiben euskara batzordean. Nagusiki, Nafarroako Kooperatibetako langileei euskara hurbiltzeko motibazio ekintzak antolatzen dituzte eta, orain, buru-belarri, Euskararen Nazioarte Egunaren bueltako ekimenak antolatzen hasiko dira.