TUlankide MONDRAGON

MONDRAGON euskara normalizatzeko oinarrien bidetik hobetzen

2018/12/19

Aurten 63 kooperatibak egin dute autoebaluzioa MONDRAGONen Euskara Normalizatzeko Oinarrien (ENO) gainean: euskara plana abian duten 57k eta planik ez duten 6k. Orokorrean aurrekoan baino emaitza hobeak ondorioztatu dira.
MONDRAGON euskara normalizatzeko oinarrien bidetik hobetzen

Ausolan kooperatibako lan taldea.

Euskara plana duten kooperatibei dagokienez, honako emaitzak azpimarra daitezke:

  • Ia denek (%90) euskararako prestakuntza irizpideak ezarrita dituzte eta gehienek (%77) prestakuntza planean jasota dute euskarari dagokiona.
  • Laurden batek hizkuntza eskakizunak zehaztuta dituzte euskararentzat estrategikoak diren lanpostuentzat eta ia erdiak (%46) lanpostu guztiei ezarri die.  Ia heren batek ez ditu hizkuntza irizpideak ezarrita.
  • Kontratazio eta barne promozioan gehienek izan dute adierazle euskara: %42k euskara kontuan hartu dutela diote, kooperatiben % 7k kontratazioetarako euskara derrigorrezko izan dute, kooperatiben %16k promozio batzuei ere aplikatu diote derrigortasuna eta laurden batek baino gehiagok, %26k, euskara derrigorrezkotzat izan dute kontratazio eta promozio guztiek.
  • Irudi, harreman eta komunikaziori dagokionez, ahozkoan zein idatzizkoan, irudian eta barne harremanetan aitortu dira emaitza onenak. Irudian kooperatiben %77k irizpideak ezarrita izanik ez du erdara nagusi: horietako erdiak ele bietan, heren batek  euskara nagusi eta %6k euskara hutsean. Barne harremanetan erdiak baino gehiagok irizpideak badituzte eta erdara ez du nagusi: horietako ia erdiak ele bietan, ia erdiak euskara nagusiki eta %8k euskara hutsean.  Aldiz, kanpo harremanetan, %45era jaisten da irizpidedunak eta erdara nagusi ez dutenak.
  • Azkenik, lan hizkuntzari dagokionez, orokorrean kooperatiben ia erdiak erdara du nagusi, heren batek euskara eta erdara erdi eta erdi darabiltzatela aitortu du, %19k euskara du nagusi eta %2k euskara dute ia lan hizkuntza bakarra.
Eguraldia
Asteartea 17 Min: 15
Max: 28
Asteazkena 18 Min: 15
Max: 25
Osteguna 19 Min: 12
Max: 26
Bideoak


+ Bideo gehiago

Papereko edizioa
Jarraitu twitterren
LagunAro

Iradokizunak

iradokizunak