Irakurriena
- 1. Lander Beloki Mondragon Unibertsitateko errektore izendatua izan da
- 2. NanoSPharm jaio da, sektore biomedikoko enpresa berria, MONDRAGONen eta i+Meden arteko aliantza kooperatiboaren eskutik
- 3. MONDRAGON Hospitalityko lau kooperatibak parte hartu dute Ibis Styles Zumaia-Zestoa hotelean
- 4. Kontxako Banderan ontzirik kooperatiboena
- 5. “Ez da sorpresa bat izan. PISAk irakurketaren ulermenari buruz dioena, adibidez, Ikastolan behin baino gehiagotan partekatu izan den kezka da"
- 6. Andoni Jimenezek hartu du Tajoren zuzendaritza nagusia
Talentua euskaratik enpresaratzeko markoa aurkeztuko da MONDRAGONeko Euskararen Foroan
MONDRAGONeko kooperatibetako ordezkariei egin zaie bertaratzeko gonbita, bereziki, lehendakariei, pertsonetako arduradunei eta euskara koordinatzaileei, elkarlanean aritzeko bidea eskainiko delako.
Halaber, marko hori oinarri Soralucen eta Fagor Taldean egin duten prozesuaren berri emango dute Soraluceko gestio sozialeko zuzendari Iker Usabiagak eta Fagor Taldeko gestio sozialeko arduradun Leire Okarantzak.
Ekitaldiari hasiera emateko, berriz, Soziolinguistika Klusterreko Belen Urangak eta HUHEZIko Nekane Arratibelek hartuko dute hitza. Amaia Balda emunkideak elkarrizketatuko ditu, hurrenez hurren, Soziolinguistika Klusterrak egindako “Jatorrian gaztelania hizkuntza ofiziala duten etorkinen integrazio soziolinguistikoa Gipuzkoan” ikerketa eta Huheziko ikasleen aniztasuna, hizkuntza gaitasuna, jarrerak eta portaerak oinarri hartuta.
Bertaratu nahi izanez gero, euskarabatzordea@mondragoncorporation.com helbide elektronikora idatzi behar da.
Albiste erlazionatuak
