Ikerketa zentro teknologikoa
Irakaskuntza
Irtenbide profesionalak.
Zerbitzu sektorean espezializatutako ikerketa zentroa
Ekipamendu didaktiko teknikoa. Instalakuntza elektriko aurrefabrikatuak. Ikasketa eta lana txandakatuz.
Irakurriena
- 1. MONDRAGON Healthek osasunaren merkatuan duen presentzia indartu du
- 2. Fagor Automation, Soraluce eta Danobat Hannoverreko EMO 2023 azokan
- 3. Mondragon Unibertsitateak eta LABORAL Kutxak talentua erakartzeko hitzarmena sinatu dute
- 4. Urriaren 22an egingo dute Mundukideren VIII. lasterketa solidarioa
- 5. "Talentua, berrikuntza eta ekintzailetza dira Mondragon Unibertsitatearen bereizgarriak"
- 6. Hamaika gaztek beren bizitzako abentura biziko dute
- 7. Aldaketa Stirling Zentroan eta Osagaien Dibisioko Berrikuntza zuzendaritzan
- 8. Mondragon Unibertsitateak 14 titulu berri eskainiko ditu hainbat jakintza-arlotan
- 9. IDEKOk piezak mekanizatu bitartean bibrazioak murrizteko teknologia berriak aurkeztu ditu Dublinen
- 10. Zer egiten du MONDRAGONek?
LinkedChain, MONDRAGONeko kooperatiba ezberdinek eginiko plataforma

LinkedChain plataforma garatu dute hezkuntza-titulu eta -ziurtagiri digitalak emateko, eta blockchain teknologia erabili dute haien benetakotasuna bermatzeko. Sistemak egungo ziurtagirien eta tituluen mugak konpondu nahi ditu; izan ere, paperezkoak izaten jarraitzen dute, jaulkitzeko garestiak, faltsifikatzeko errazak, kudeatzeko nekagarriak, eta, gainera, alferrikakoak dira hodeiko atarien bidezko enplegu-kudeaketaren egungo testuinguruan.
Blockchain teknologia erabiltzeak aukera emango du sektore hori prozesu automatizatuagoetara eta efizienteagoetara bihurtzeko, ikasle- eta lan-bizitza osoko jarduera eta ikastaro ugariei buruzko ale fineko ziurtagiri digitalak, eta, batez ere, edozein enplegatzailek modu errazean egiazta ditzakeen ziurtagiri faltsuezinak.
Bi urteko lana
LinkedChain egoteak, lehenik eta behin, prestakuntzaren eta kontratazioaren sektoreko kudeaketa hobetzea ahalbidetuko du, enplegu-atarietako informazioari egiazkotasuna emanez. Horrez gain, proiektua sustatzen duen partzuergoak, bigarren fasean, balio erantsiko hainbat zerbitzu sortzea aurreikusten du, blockchain delakoan dagoen informazio baliotsuari esker.
Proiektua 2018 eta 2020 bitartean garatu da. Eta besteak beste, Arizmendi Ikastolak, Alecop-ek, LKS Next-ek, Ikerlanek eta Iseak parte hartu dute. Plataformaren softwarea inplementatzeko hasierako etapa baten ostean, parte hartzen duten enpresetan proba pilotu bat eginda amaitu da.
LinkedChain proiektuak Eusko Jaurlaritzako Ekonomiaren Garapen eta Lehiakortasun Sailaren HAZITEK programaren finantzaketa jaso du.