MONDRAGONek eta Fagor Electronicak Semi Zabalan inbertitu dute

Inbertsio operazio berria etorkizuneko sektoreetan jarduera eta negozioak bultzatzeko helburu korporatiboaren testuinguruan kokatzen da, kooperatiben artean ekintzailetza-gaitasunak eta negozio berriak sustatzeko gaitasunak aktibatuz. MONDRAGONek, MONDRAGON Venturesen bitartez, kooperatiba ezberdinekin elkarlanean, 40 bat enpresatan inbertitu du azken hamarkadan.

Semi Zabala enpresa, Donostian sortua, potentziako erdieroaleen enpresa bat da, potentziako elektronikan erabiltzeko gailu eta zirkuitu erdieroaleak diseinatzen, fabrikatzen, kualifikatzen eta merkaturatzen dituena, etorkizunari forma ematen dioten teknologia berritzaileak erabiliz.

Inbertsio-eragiketa berri hau etorkizuneko sektoreetan jarduera eta negozio berriak bultzatzeko helburu korporatiboaren testuinguruan kokatzen da

"MONDRAGON eta Fagor Electrónica Semi Zabalan inbertitzaile gisa sartzea mugarri estrategikoa da, gure ikuspegia indartzen duena eta erdieroaleen sektorean dugun posizioa mamitzen duena. Kapitalean sartzeak sendotasun industriala, ezagutza teknologikoa eta gure hazkundea bizkortzeko laguntza-sare paregabea ematen dizkigu. Etorkizunari begira, aliantza horrek aukera emango digu anbizio handiagoz aurrera egiteko gure ekoizpen-ahalmenaren garapenean eta espazio-sektorerako gure GaN gailuen nazioartekotzean", adierazi du Julen Peral konpainiako CFOak.

Bestalde, Fagor Elektronicako I+Gko eta Eraldaketa Digitaleko zuzendari Mikel Perezek azpimarratu duenez, "inbertsio honekin, Fagor Electronicak erdieroaleen sektorean berrikuntza teknologikoarekin duen konpromisoa indartzen du eta Euskadi mikroelektronikan hub gisa bultzatzen du. Semi Zabalarekiko lankidetzari esker, Fagor Electronicak puntako teknologiak (GaN) eskuratu ahal izango ditu, portfolioa dibertsifikatu eta beste sektore estrategiko batzuetan sartu ahal izango da".

Era berean, Joseba Sagastigordia MONDRAGON Ventures - Sustapen Korporatiboko Zentroko zuzendariak adierazi duenez, "horrelako inbertsioetan, fase goiztiarretan, daramagun ikaskuntzetako bat da gure inbertitzaile-presentziaren ahaleginak bideratzea Europako interes estrategikoko arloetan, atzean dauden arloetan gure kooperatibak bultzatzeko. Ezagutzaren espezializazio hori erdieroaleei zuzendutako AAren inguruan gertatzen ari da, Wooptix (mikrotxipen fabrikazioan eraginkortasuna eta zehaztasuna ematen ditu) edo Multiverse Computing (segmentu teknologiko horri AA kuantikoa ematen dio) bezalako inbertsioekin. Eta orain Semi Zabalari egokituko litzaioke txanda, testuinguru horrekiko koherentzian, aztertzen ari garen beste batzuez gain". Gainera, gaineratu duenez, "inbertsio horiek guztiak bat datoz SETTek (Eraldaketa Teknologikorako Espainiako Sozietatea) berrikuntza teknologikoaren eremu horretan duen interes estrategiko eta inbertitzailearekin".

Inbertsio honekin, Fagor Elektronikak erdieroaleen sektorean berrikuntza teknologikoarekin duen konpromisoa indartzen du. Baita Euskadik mikroelektronikako  hub gisa duen izaera indartu ere

Duela gutxi, Semi Zabalak bere lantegi berria inauguratu du Zubietan, bere proiektua sendotzeko balioko duena. Era berean, gaitasun teknologikoak bultzatzeko eta sektorean balio-kate sendoagoa eraikitzeko urrats estrategikoa emateko baliagarria izango da. Zubietako Eskuzaintzeta industrialdean dago. Back-end prozesuen linea oso bat ezartzea aurreikusten du, waferraren harreratik gailuaren azken kapsulatzeraino.

Era berean, Enpresa Berritzailearen Saria jaso du Toribio Echevarria Sarien 35.edizioan, euskal industria-sektorean berrikuntzarekin duen konpromisoa eta aurrerapen teknologikoari egindako ekarpena aitortuz.