TUlankide MONDRAGON

Leartikerrek OPEN LEARTIKER proiektua aurkeztu du

2020/02/12

Helburua, bezero estrategikoak eta Leartiker bat izatera heltzea da, beti ere berrikuntza irekian oinarrituz.
Leartikerrek OPEN LEARTIKER proiektua aurkeztu du

Otsailaren 5ean Mondragonek antolatutako gosari teknologikoan parte hartu zuen Leartikerreko Berrrikuntza Estrategikoko arduraduna den Josu Goikoietxeak.  Bertan, Fagor Arrasate eta KREAN Groupekin batera, berrikuntza eta kultura praktikak aurkeztu ziren.

Leartikerrek 2019an zehar lan taldean garatu duen OPEN LEARTIKER.COM proiektua aurkeztu zuen Josuk.

M4FUTURE deialdiaren baitan onartutako proiektua da OPEN LEARTIKER.COM proiektua.

Bezeroarenganako kultura bateratu eta ireki bat sortzera begirako pausuak eman ditugu: praktika amankomunak, elkarren arteko ikasketa espazioak bultzatuz, berrikuntza prozesuen ustiapena era beretsuan landuz eta egunerokotasuneko praktikek osotasunera transferitu ahal izateko lan dinamikak martxan jarriz. Nolanahi ere, helburua bezero estrategikoak eta Leartiker bat izatera heltzea da, beti ere berrikuntza irekian oinarrituz.

Horretarako berrikuntza irekian oinarritutako praktikak martxan jartzea beharrezkoa dela zehaztu du Leartikerrek. Barnera begira, berrikuntza irekia lantzeko erremintek ezagutza elkar trukatzeko modu desberdinak azaleratu ahal izango digu, orain arte egiten ari garen lan eta praktikak balioan jarriz. Kanpora begira, bezeroarekin berrikuntza irekian oinarritutako espazio eta denbora zehaztuko dugu talde bateratu bat sortzeko eta bi entitateen emaitzak (Bezeroa+Leartiker) hobetu eta sendotzeko. 

 

 

Eguraldia
Asteartea 27 Min: 8
Max: 17
Asteazkena 28 Min: 9
Max: 17
Osteguna 29 Min: 7
Max: 21
Bideoak


+ Bideo gehiago

Papereko edizioa
Jarraitu twitterren
LagunAro

Iradokizunak

iradokizunak