Irakurriena
- 1. Niche Mobilityk 1,6 milioi euroko inbertsio erronda itxi du Copreci eta MONDRAGONekin
- 2. Auzitegi Gorenak ere atzera bota du Fagor Etxetresnakeko eta Edesako bazkide talde batek MONDRAGONen aurka jarritako erreklamazioa
- 3. MONDRAGONen Komunikazio Foroaren 7. edizioa, maiatzaren 8an Huhezin
- 4. Ekoizpen linea fotovoltaiko berriak fabrikatu ditu Mondragon Assemblyk Aljeriarako
- 5. Yolanda Diaz Lan eta Gizarte Ekonomia ministroa Coprecin egon da
- 6. MSI Taldeak urteko ETE industrial onenaren saria jaso du
Lea Artibai Ikastetxean nazioarteko ikasle kopurua igo egin da

2015-16 ikasturtean Markina-Xemeingo zentroan hamalau ikasle izango dira Elikagaien Industrietan espezializatuko direnak, 2016eko ekainerarte bederatzirehun ordutako formakuntza jasoko dutelarik. "Pasantia Chilena" izeneko programari esker aipatutako herrialde amerikarreko ikasleak Markinan prestakuntza aldi bat egingo dute.
Txileko Hezkuntza Ministerioak eta Tknika erakundearen arteko elkarlanaren emaitza da honako egitasmoa, Eusko Jaurlaritzako Lanbide Heziketaren Sailburuordetzak bultzatuta.
Era berean, Lea Artibai Ikastetxea-Leartikerren, Mondragon Korporazioko enpresen, Renault Consultingen eta Azaro Fundazioaren babesarekin sustatutako TEP (Technology Entrepreneurship Program) programa espezializatuan parte hartzen ari dira herrialde ezberdinetako ikasleak.
Proiektuak goi-prestakuntza duten 180 profesionalen enplegagarritasuna hobetzea du helburu, eta, zenbatespenen arabera, euretako 120k lana lortuko dute bertan parte hartu ondoren. Programaren ezaugarriak kontuan hartuta (oinarri teknologikoa), enplegu egonkorrak izango dira, eta biztanleak Bizkaian geratzen direla bermatuko dute.
Nazioarteko proiektua izango da, eta beste herrialde batzuetako pertsonen partaidetza bultzatuko du. Partaidetza hori proiektuaren aberasgarri izango da, prestakuntza eta jatorri desberdinetako pertsonen artean jakintzaren eta kulturaren trukea sustatzeko.