Lea Artibai Ikastetxeak LAIKoloreak egitasmoa abiarazi du

Garai batetik hona mota honetako ekintza bat abiaraztea helburu izan dute Lea Artibai Ikastetxean, eta aurtengoan aurrera eramatea lortu dute. Ekimen multikultural honetan, laneratzeko ikastaroetako ikasleek stand ezberdinak jarriko dituzte, besteak beste, jolasak, musika, bigarren eskuko arropak, liburuak, haurrentzako jolasak… eta horrez gain, herrialde ezberdinetako jakiak dastatzeko aukera ere egongo da. Salmentarik ez da egingo, hau da, stand-etan jarritako guztia eskuratzeko aukera egongo da ezer ordaindu gabe.

Markina-Xemeinen kokatutako Lea Artibai Ikastetxea goi mailako hezkuntza arloan erreferente bat da Lea Artibai eskualdean eta baita eskualdetik kanpo ere

Ikastetxeak ilusio handiz antolatu duen LAIKoloreak azokaren lehen edizio honetara etortzeko gonbitea luzatu nahi die Lea-Artibai eskualdeko herritar guztiei.

Lanerako Prestakuntza Lea Artibai Ikastetxea

Markina-Xemeinen kokatutako Lea Artibai Ikastetxea goi mailako hezkuntza arloan erreferente bat da Lea Artibai eskualdean eta baita eskualdetik kanpo ere. Urtetik urtera bere zerbitzuak sendotu eta hobetzeko lanean dihardu eta Batxilergoa eta Lanbide Heziketako hezkuntza eskaintzaz gain, Lea Artibai Ikastetxeak Lanerako Prestakuntzara bideratutako eskaintza zabala dauka.

• LANBIDEK diruz lagundutako Lanerako Prestakuntzako 13.000 ordu urtean.
• Herrialde ezberdinetako 1.200 ikasle.
• Langabetuentzako 44 ikastaro urtean.
• Lanean daudenentzako 75 ikastaro urtean.

Horrez gain, Lea Artibai Ikastetxeak orientazio eta laneratze zerbitzuak ere eskaintzen ditu eta irregulartasun egoeran dauden atzerritarrei bitartekaritza lana ere eskaintzen die