Irakurriena
- 1. Aliantza estrategikoa egin du Fagor Ederlan Groupek Duoli Automotive Technology txinatarrarekin
- 2. Ekintzailetzaren erronka, gai nagusi TU Lankideren zenbaki berrian
- 3. Batzar Nagusiak, komunikazioa eta elkarlana indartzeko espazio
- 4. Datorren ikasturterako irakasle bila ari da Arizmendi Ikastola
- 5. MONDRAGONek partaidetza estrategikoa sendotu du South Summit Madrid 2025 programan
- 6. Nerea Aranguren: “Konfidantza sortu, nor garen egiaz kontatu eta gazteei egitasmo humanistak eskaini behar dizkiegu”
Arrasateko Mondragon Goi Eskola Politeknikoak Basque Project Management Kongresuaren laugarren edizioa hartuko du

Mondragon Unibertsitateak eta Innobasque-k antolatzen dute kongresua Berriprocess aholkularitzaren eta Kanbanize Spain erakundearen laguntzarekin. Ekitaldia doakoa da eta posible da presentzialki (edukiera mugatua) edo Internetez parte hartzea. Jardunaldi hau batik bat zuzentzen zaie zuzendaritza edo proiektuen kudeaketa arloetako profilak dituzten eta euren antolakundeetan kudeaketa-jardunbide arinak aplikatu nahi dituzten pertsonei.
Mondragon Unibertsitateak eta Innobasque-k antolatutako topaketa hori presentzialki eta online egingo da urriaren 14an.
Goizean zehar, hainbat erronka espezifiko landuko dira: enpresen kudeaketako egungo desafioak ulertzea, balore arinak partekatzea enpresaren kultura aldatzeko funtsezko konponbide gisa, eta antolakuntza arinak garatzera bideratutako Kanban Maturity Model tresna ezagutzea. Eredu horren bidez posible da jakitea zenbateko heldutasun-maila duen enpresak antolakuntza arloan eta orobat posible da ibilbide-orri bat prestatzea arintasun handiagoa lortzea helburu duten jardunbideekin. Jardunaldian aurkeztuko dira ULMA eta Hispacold enpresen esperientzia errealak, biek hala biek arrakasta izan dutenak antolakuntza arinaren hedapenean.
PMP –Project Manager Professional- ziurtagiria duten pertsonek estrategia arloko 3 PDU eskuratuko dituzte kongresuan parte hartuz gero. Dagoeneko posible da Basque Project Management jardunaldian izena ematea jguallar@mondragon.edu posta elektronikoaren bidez. Edukiera mugatua denez, antolatzaileak harremanetan jarriko dira izena ematen duten pertsonekin, parte-hartzea (presentziala edo onlinekoa) kudeatzeko.