“MOTI+BATU. Nagiak astinduz, mingaina askatuz” topaketa antolatu du EMUNek Irailaren 10ean eta 12an

Ezagutza

Irakaskuntza unibertsitate zentroa

Topaketaren helburua da euskararekiko motibazioa lantzea eta metodologiak garatzea. Euskararen ezagutzak nabarmen egin du gora azken urte hauetan, baina erabilerak ez du neurri berean egin aurrera. Zenbait adituk diotenez, gainera, egungo estrategiekin nolabaiteko tope batera heldu da euskararen erabilera eta beraz, bide berriak esploratu eta zabaltzeko premia nabarmendu da azken aldian.

2014/08/25

Euskararen normalizazioan, garapenean edo-eta irakaskuntzan dabiltzan eragileei zuzendutako lanerako topaketa izango da, gai zehatzak landuko dira taldeka banatuta eta arrakastarako gakoak eta lanerako ildoak identifikatuko dira.

Berrikuntza irekiaren oinarriei eta filosofiari helduz, antolatzailea EMUN bada ere, taldekako lanketarako dinamizazioan beste erakunde batzuetako ordezkariek ere parte hartuko dute, HUHEZIk besteak beste.

EGITARAUA:

IRAILAK 10, ASTEAZKENA - NAGIAK ASTINDUZ

9:00 Harrera

9:15-9:20 Sarrera

9:20-9:45 Berrikuntza soziala eta euskararen inguruko hitzaldia. Egoitz Pomares, Sinnergiak– Social Innovation

9:45-10:15 Portaeratik jarrerara: jokabide urratzaile, egokitzaile eta eragozleak. Pello Jauregi, EHUko irakaslea

10:15-11:15 Taldekako lehen saioa. Parte hartzaile bakoitzak talde batean parte hartuko du

1. taldea: Inguru hurbilean eragiteko bideak

2. taldea: Disonantzia egoerak: esatetik egitera dagoen tartea

3. taldea: Zuzeneko ekintzak: pentsamenduan eragin, portaera aldatzeko.

4. taldea: Sozializatzeko trebeziak: hizkuntza portaera asertiboaren ekarpena

11:15 – 11:45 Atsedena

11:45-12:45 Taldekako bigarren saioa. Lehen saioko gai berak izango dira; parte hartzaileek beste gai bat aukeratu ahal izango dute bigarren saio honetarako

12:45 – 13:15 Taldeetako ondorioen aurkezpena

13:15 – 13:20 Bukaerako agurra

IRAILAK 12, OSTIRALA - MINGAINA ASKATUZ

9:00 Harrera

9:25-9:30 Sarrera

9:30-10:20 Mahai ingurua: euskara ikasten ari direnak erabiltzen hasi daitezen laguntzeko, zer egin dezakegu?

10:20-11:20 Taldekako lehen saioa. Parte hartzaile bakoitzak talde batean parte hartuko du

1. taldea: Hitz egiten hasteko laguntza: legitimitatea sentiaraztea

2. taldea: Elkarrizketa elebidunak: nik euskaraz eta zuk erdaraz?

3. taldea: Ikaskuntza prozesuan sentsibilizazioa eta hizkuntza portaera lantzearen garrantzia

4. taldea: Berariazko trebakuntzaren arrakastarako gakoak

11:20 – 11:50 Atsedena

11:50-12:50 Taldekako bigarren saioa. Lehen saioko gai berak izango dira; parte hartzaileek beste gai bat aukeratu ahal izango dute bigarren saio honetarako

12:50 – 13:20 Taldeetako ondorioen aurkezpena

13:20 – 13:30 Bukaerako agurra

Gaiari eta topaketari buruzko informazio gehiago hemen aurkituko duzu: http://www.lantalan.com/motibatu-topaketa