Irakurriena
- 1. Ruben Gabilondo, Orbeako presidentea: “Orbeako urte onenetako batzuk bizitzea tokatu zait”
- 2. Bazkide eta birkokatuentzako birkualifikazio programa amaitu du Fagor Ederlanek
- 3. Arizmendiarrieta Gunea zabalik da Otaloran
- 4. Eroski Taldeak 17,8 milioi euroko emaitza positiboa izan du 2026ko lehen hiruhilekoan
- 5. LKS Next-ek 85 milioi euroko langa gainditu du 2025ean eta % 19ko bilakaera izan du 2026ko hasieran
- 6. "Kooperatibismoari kontakizuna falta zaio. Ez istorio faltagatik, baizik eta kodeak ez direlako gaur egungoekin bat etortzen"
KOOPAKETAk 100 gazte kooperatibista baino gehiago bildu zituen kooperatibismoaren etorkizuna bultzatzeko
Euskadiko 100 gazte kooperatibista inguru bildu ziren uztailaren 2an Donostiako Kursaal Jauregian KOOPAKETAren bigarren edizioan. Euskadiko Kooperatiben Goren Kontseiluak eta Konfekoopek sustatutako ekimenak iazko azaroan Bilbon hasitako bideari jarraipena eman dio.
Topaketak gazteen ikuspegia eta parte-hartzea jarri zituen erdigunean, kooperatibismoa lan-esparrutik harago doan bizi-eredu gisa ulertuz.
Ideiak partekatzeko gunea
Jardunaldiak podcast formatuan oinarritutako egitura dinamikoa izan zuen. Malen Altunak eta Aitziber Gradosek gidatutako saioan elkarrizketak, mahai-inguruak eta talde-dinamikak uztartu ziren, belaunaldi berrien erronkei buruzko hausnarketa sustatzeko.
Etorkizunari begira
Besteak beste, belaunaldi-erreleboa, kooperatiben gobernantza, jasangarritasuna, etxebizitza eta biztanleriaren zahartzea izan ziren hizpide. Mahai-inguruetan Edurne Madina (A+G), Malen Illarramendi (MONDRAGON), Ainhoa de Anduiza (Adi! Bulegoa) eta Xabier Bernedo (Laboral Kutxa) aritu ziren, belaunaldien arteko lankidetzaren garrantzia azpimarratuz.
