Proiektu ekintzaile eta kooperatiboen bila

Mondragón City Challenge ekimenaren aurkezpenak euskal kooperatibismoaren eragile nagusiak bildu ditu Arrasaten. Ekintzailetza kooperatiboko nazioarteko lehen lehiaketaren helburua proiektu teknologiko berriak lortzea da, besteak beste, osasuna, energia-trantsizioa eta digitalizazioaren alorretan.
Card image cap
2021/02/17

Arrasaten egin den aurkezpenean izan dira: Elena Pérez, Laneko eta Gizarte Segurantzako sailburuordea; María Ubarretxena,Arrasate-Mondragoneko alkatea; Iñigo Albizuri, MONDRAGONeko erakunde harremanetarako zuzendaria; Iker Estensoro, Ekonomia Sustapeneko, Turismoko eta Landa Inguruneko diputatua; Idoia Peñacoba, Mondragon Unibertsitateko idazkari nagusia; Rosa Lavin, Konfekoopeko lehendakaria; Patxi Olabarria, Euskadiko Kooperatiben Goren Kontseiluko lehendakaria; Juan María Concha, ASEkoop-eko lehendakaria; Miguel Angel Lazpiur, Arizmendiarrietaren Lagunak elkarteko lehendakaria; Josean Aparicio Chana, Laboral Kutxako Debagoieneko eta Goierriko zuzendaria; Iñigo Arrieta, EIKAko Errektore Kontseiluko lehendakaria; Iñaki Zaldua, director comercial de Ecenarroko zuzendari komertziala; Gonzalo Soto, Nafarroako Rural Kutxako Ekintzaileentzako Línea Iniciaren arduraduna; eta Jon Giménez, Errekako Errektore Kontseiluko lehendakariordea. 

Gaurtik azaroaren 19ra arte, sari-banaketaren egunera arte, nazioartean lehiatuko da Mondragón City Challenge ekimena, "eredu kooperatiboa munduan ereiten jarraitzeko".

Kooperatibismoaren defentsa

Ekitaldian parte hartu duten entitate laguntzaile guztiek kooperatibaren eredua bera jarri dute balioan. "Etorkizuna da. Gizarte-ekonomiak, oro har, eta kooperatibismoak, bereziki, ingurunean aberastasuna eta kalitateko enplegua sortzen dituzte", esan du Elena Pérezek, Eusko Jaurlaritzako Lan eta Gizarte Segurantza sailburuordeak, eta ildo beretik azaldu dira gaurko ekitaldian parte hartu duten guztiak. 

Mondragón City Challenge lehiaketa bi adin-tartetan egingo da: "lehenak 16 eta 18 urte bitarteko gazteen artean proiektuak sustatuko ditu, eta bigarrenak 18 eta 24 urte bitarteko ekintzaileen artean". Bi kasuetan, ekimen kooperatiboa sustatzea izango da helburua.

Lehiaketari buruzko informazio gehiago:

https://www.mondragoncitychallenge.com/

Aurkezpenean atera diren argazkiak:

https://www.flickr.com/photos/tulankide/?

Ikerketa eta berrikuntzarako ekipamenduak

Fastening Solutions, Plastics eta Sarbide Automatikoak

Egosketa elektrikorako irtenbideak