Mundua aldatu nahi duten talentuekin lerrotu nahi du MONDRAGONek

Korporatiboa

Ekintzailetasuna, dibertsifikazioa eta enpresa-jarduera berrien sorrera sustatzeko MONDRAGON Korporazioaren plataforma korporatiboa gara.

Urrian, talentua eta startup ezberdinak batzen diren espazio eta jardunaldietan parte hartu du MONDRAGONek. Batetik B-VENTURE ekitaldian, Espainia iparreko ekintzaileen espaziorik esanguratsuenean. Eta bestetik, Zaragoza Startup Fest jardunaldian.

2022/10/26

Enpresa aukera ezberdinak identifikatzeko asmoz, MONDRAGONek jardunaldi eta topaketa ezberdinetan parte-hartzen jarraitzen du, eta urrian bi hitzordu garrantzitsu izan ditu bere 'ekintzaile-talentuen-bilatze agendan'.

Bilbon eta Zaragozan egin diren jardunaldi eta topaketetan mila pertsona baino gehiago batu dira eta oinarri teknologikoko 50 enpresa-proiektu eman dira ezagutzera

Bilbon eta Zaragozan egin diren jardunaldi eta topaketetan mila pertsona baino gehiago batu dira eta oinarri teknologikoko 50 enpresa-proiektu eman dira ezagutzera. Proiektu horiek hastapenetan izaten dira eta kolaborazio zein finantzazioa behar izaten dute.

Startup ezberdinek beraien produktuak eta zerbitzu bereizgarriak erakutsi dizkiete enpresa, korporazio eta inbertsoreei, hala euren balio proposamenak aurkeztuz. Era berean, jardunaldietan tailer, hitzaldi eta mahai inguruak antolatu dira, eta arrakasta kasuak edo praktika onak bertatik bertara ezagutzeko aukera izan da.

Zentzu honetn, Joseba Sagastigordiak, MONDRAGON Sustapen Zentroko zuzendariak mahai-inguru batean parte hartu du. "Berrikuntzara tradizioaren bidetik" izenburupean: Javier González, Accionako Berrikuntza Irekiko zuzendaria; Diana Ortega, ELEWIT aliantza estrategikoko arduraduna, Red Electrica plataforma teknologikoa da ELEWIT; eta Joseba Sagastigordia ideia ezberdinen inguruan aritu dira.