Laneko osasuna, gai nagusi TU Lankideren zenbaki berrian

Korporatiboa

Lan arriskuen prebentzioa eraldaketan murgilduta dago, bete-betean. Osarten ere horretan ari da, hurrengo urteotarako erronkak marrazten. Hori guztia eta gehiago jorratu dira TU Lankide aldizkariaren ale berrian.

2025/10/16

Laneko arriskuen prebentzioa (LAP) eraldaketa garaian dago, digitalizazioak, belaunaldi aldaketek, araudiaren bilakaerak eta osasuna eta ongizatea erakundeen gune estrategikoan integratzeko beharrak bultzatuta. Bada, prebentzioaren erronka horiez aritu da luze eta zabal Zigor Artamendi Osarteneko zuzendari nagusia. Era berean, Osartenen jardunari, MONDRAGONeko Prebentzio Zerbitzu Mankomunatuari eta Korporazioko kooperatibetako kasu praktikoei buruzko informazio zabala jaso du TU Lankide aldizkariak bere orrialdeetan.

Captura de pantalla 2025-10-16 a las 9.12.08.png

Elkarrizketak

Gorka Etxabek zenbait pertsona elkarrizketatu ditu, besteak beste, Mirari Zilaurren Lana kooperatibako presidente ohia, kargua utzi berritan; Judit Ruiz de Muniain Mlakoopeko Osasun Eskola+ proiektuko zuzendaria; eta Aitor Txurruka Goimekeko zuzendari nagusia, kooperatibako sasoi estrategiko berriari buruz.

Captura de pantalla 2025-10-16 a las 9.28.03.png

Captura de pantalla 2025-10-16 a las 9.27.33.png

Captura de pantalla 2025-10-16 a las 9.26.57.png

Gainerako atalak

Ohiko bihurtu diren atalei dagokienez, Malen Sarasua da Nire aukera ataleko protagonista; Javier Benito Batzeko azpiegituren eta zibersegurtasunaren koordinatzailea, Lanbidea atalekoa; Asier Altuna zinema zuzendaria, Euskal kulturakoa. Bestalde, Ander Etxeberriak, Rafa Polek, Illart Azkaratek eta Lander Belokik osatu dute Iritzien atala.

Captura de pantalla 2025-10-16 a las 9.35.45.png