Irakurriena
- 1. Danobatek 20 milioi euro inbertitu ditu Elgoibarko egoitzan berrian
- 2. LABORAL Kutxa Frantziako Tourrean izango da
- 3. Gipuzkoako Bazkundeak saria eman dio MLAKoop kooperatibari
- 4. Arkaitz Etxezarreta, Errekako zuzendari nagusi berria
- 5. “Gizarte hobe bat sortzea, hori da gure utopia eta, gure inperfekzio guztiekin, utopia hori lurreratzen saiatzen gara”
- 6. Espainiako Bankuko gobernadoreak MONDRAGON bisitatu du
- 7. Errekak Darwin Biomed startuparekin bat egin du, Health linea bultzatzeko helburuarekin
- 8. Ingeniaritza eta Zerbitzuen Dibisioa Advanced Factories-en egongo da
- 9. Arizmendi ikastola, 20 urte
- 10. Parte-hartze handia LagunAro BGAEren 2024ko ohiko batzarrean
MONDRAGONeko Kongresuko lehendakaria saritu dute berdintasunaren alde egindako ekarpenagatik
Kooperatiben Kontseiluak, Konfekoop Euskadiko Kooperatiben Konfederazioarekin lankidetzan, gaur, martxoak 8, aitorpen berezia emango dio Leire Mugerza MONDRAGONeko Batzorde Iraunkorreko eta Kongresuko presidenteari, kooperatibismoaren esparrutik Euskadiko emakumeen ahalduntzeari eta aukera-berdintasunari egindako ekarpenagatik. Gaur bertan Gasteizen egingo den ekitaldian parte hartuko dute, besteak beste, Bakartxo Tejería Eusko Legebiltzarreko presidenteak, Idoia Mendia lehendakariorde eta Lan eta Enplegu sailburuak, Maider Echevarria Gasteizko Udaleko alkateordeak, Nerea Melgosa Berdintasun, Justizia eta Gizarte Politiketako sailburuak, Rosa Lavin Konfekoopeko presidenteak eta Belen Balerdi Kooperatiben Kontseiluko idazkari nagusiak. Ekitaldian zehar Bidegintza eta Ediren kooperatiben lana ere aitortuko da.
Sariari dagokionez, Leire Mugerzak TU Lankideri esan dionez, "nik jasotzen dudan aitorpena da, baina posible egin duten pertsona guztientzako errekonozimendua dela sentitzen dut". Halaber, Mugerzak adierazi duenez, "sariak ikusgarritasun handiagoa ematen dio MONDRAGONeko kooperatibetan bizi izan dudan errealitate bati, industria, ezagutza edo banaketa bezalako esparru ezberdinetan: berdintasuna, pertsona gisa baloratzea eta naizenaz harro sentitu ahal izatea, emakumea eta kooperatibista".
Lan egin dudan MONDRAGONeko kooperatibetan bizi izan dudan errealitatea da: berdintasuna, pertsona gisa baloratzea eta naizenaz harro sentitu ahal izatea, emakumea eta kooperatibista.