Irakurriena
- 1. “Belaunaldi berriekin konektatuko duten diskurtsoak behar ditu euskarak”
- 2. Nola hasi dute ikasturte berria MONDRAGONeko ikastetxeek?
- 3. Berrikuntza, ekimena eta talentua sustatzeko hitzarmena sinatu dute
- 4. MONDRAGONeko Osagaien Dibisioa aukeratu dute sei berrikuntza-kasu praktikoen artean
- 5. Eroski eta Durangoko azokak euskararen eta euskal kulturaren aldeko konpromisoa berritu dute
- 6. “Produkto propioa eta elektronikoa duten Euskadiko enpresa gehienei eragiten die mikrotxipen krisiak"
- 7. Ikerlanek 300 plaka fotovoltaiko jarri ditu Arrasateko egoitzan
- 8. Milaka elkartasun pauso Mundukideren alde
- 9. ERREKAk 60 urte ospatzen ditu kolektiboaren ahalegina eta konpromisoa eskertuz
- 10. 75 pertsonak hasi dute Hidrogenoaren Teknologien I. unibertsitate masterra
MONDRAGONeko Finantza Foroaren hirugarren edizioa
Pasa den azaroaren 23an egin zen MONDRAGON taldeko Finantza Foroaren hirugarren edizioa, Mondragon Unibertsitateko Enpresagintza fakultatean. Aurrekoetan bezala, finantza alorreko arduradunek kezka eta jakinminak partekatu zituzten, ahaleginak batu eta modu bateratuan aurrera egiteko.
Foro honetan, Belen Kortabarria, MONDRAGONeko Finantza Gestioko zuzendariak, 2018ko Gestio Planak garatzeko orduan kontuan izan beharko diren erronka eta lerro garrantzitsuenak zeintzuk izango diren azaldu zuen.
MIK eta Enpresagintza fakultateko arduradunen koordinaziopean, taldeka elkartu ziren eta "norbere baliabideak indartu" lelopean iritzi eta ikuspegi desberdinak partekatu zituzten.
Horrez gain, Ramón Forcada, Bankinter-eko Analisi zuzendariak, 2018rako ikuspegi eta aurrapen ekonomikoak aurkeztu zituen.
Gainera, Javier Orbea, ULMA Taldeko finantza zuzendariak, bere "ULMA Inbertsioak" esperientzia partekatu zuen, banka komertzialen aurrean finantza alternatiboaren adibide bezala, Mercado Alternativo de Renta Fija (MARF) delakoan zor-agirien jaulkipenen bitartez.
Bere aldetik, Iñigo Ucín, MONDRAGONeko lehendakariak nazioartean negozioei begira dugun testuinguruaz hitz egin zuen. Gainera gogora ekarri zituen, azken Kongresuan onartu zen Politika Sozio Enpresariala 2017/2020-aren baitan jasotzen diren balore kooperatiboak, eta aipamen berezia egin zion Finantza Estrategiari.
Halaber, Alex Rovira ekonomilariak interkooperazioa nabarmendu zuen, "Sinistu, sortu, lortu" izeneko hitzaldian.
