MONDRAGON Foroaren hamargarren edizioak 400 pertsona erakarri ditu Kursaalera

“Eredu kooperatiboa eta lehiakortasuna” izenburupean egin zen jardunaldia, egoera ezberdinetara egokitzeko gai diren negozio lehiakorretan fokoa jarri delarik.
2022/10/24

Aurtengo ediziora, hamargarrenera, 375 lagun gerturatu dira. Foro interesgarria izaten da, interkooperazioan burutzen dena, Errektore Kontseiluetako eta Zuzendaritza Batzordeetako ordezkariek bertatik bertara egoera ezberdinak aztertzeko aukera izaten dute eta aurtengoan, eredu kooperatiboa eta lehiakortasuna aztertu dituzte, beti ere gobernantza korporatibo ereduetan fokoa jarriz.  

Eroski, Fagor Elektronika, Fagor Automation eta Soraluzeko ordezkariek zuzendaritza eta errektore kontseiluetako gaitasunak aztertu dituzte, gero eta egoera aldakorragoetan. Era berean, MONDRAGONetik kanpoko ikuspegia aztertzeko aukera ere izan da; Josu Jon Imaz (Repsol), Francisco Riberas (Gestamp) eta Javier Roqueroren (Salto Systems) bitartez.

MONDRAGONeko Kontseilu Orokorreko presidente Iñigo Ucinek eman dio hasiera ekitaldiari. Bere sarrerako diskurtsoan, foroa interkooperazio ariketa ederra dela esan du, “krisi egoeran emaitzak biderkatzeko indarrak batzea egoera normaletan baino garrantzitsuagoa da” adierazi du Ucinek.

Iñigo Ucinen esanetan foroa interkooperazio ariketa ederra da, “krisi egoeran emaitzak biderkatzeko indarrak batzea egoera normaletan baino garrantzitsuagoa da”

Era berean, MONDRAGONeko Gestio Sozialeko zuzendari Zigor Ezpeletak “atzoko eta gaurko erronkak” aipatu ditu bere hitzaldian. Lehiakorrak eta kooperatiboak izatearen beharraz aritu da. Erakundeen dinamikan pertsonen jarreraren gaineko diagnostiko zorrotza egin du Ezpeletak. Adieraziz, kultura sanoek pertsonen konpromisoa, emaitza ekonomikoak eta erakundearen egokitzeko gaitasuna indartzen dutela. 

Gobernantza kooperatiboaren gaineko azterketa zehatza

52450142631_491e86f6b7_6k.jpg

MONDRAGON Foroaren X.edizioak fokoa jarri du gobernantza kooperatiboan. Horretarako mahai ingurua egin da eta bertan izan dira; Leire Mugerza (Eroskiko eta MONDRAGONeko Batzorde Iraunkorreko  presidentea), Monica Vaz (Fagor Elektronikako Errektore Kontseiluko presidente ohia), Pepe Perez (Fagor Automationeko zuzendari nagusia) eta Rafa Idigoras (Soraluceko zuzendari nagusia).

Mahai inguruan gobernantzaren gaineko ikuspegiak partekatu dira eta aipatu da organoen arteko sintonia eta luzera begirako ikuspegia ezinbestekoak direla proiektuaren biziraupenerako. Ekarpen oso interesgarriak egin dituzte zentzu horretan. Hala, aipatu da “gizarteak era honetako ereduak behar ditu, non pertsonak eredua funtzionarazten duten”. “Organo bakoitzaren egitekoak eta rolak ondo definituta edukitzea oso garrantzitsua da” adierazi dute. Komunikazioa ere aipatu da, prozesu gako gisa. “Dimentsio handia hartu duten kooperatibetan gero eta zailagoa da eredua kolektibo osoari islatzea”. Talentu kooperatiboa edo eta kolektiboaren ilusioa ere nabarmendu dituzte mahai inguruan parte hartu duten lagunek.

52450589825_79562e30ce_k.jpg

Gainera, Kursaalera gerturatu ziren pertsonek, beste pertsona batzuen iritziak entzuteko eta ikusteko aukera ere izan dute zenbait bideoren bitartez. Besteak beste, Javier Sotil, Agustin Markaide, Tere Marcos, Klaudia Lukita, Txomin Garcia eta Joxemi Arregiren adierazpenak entzuteko aukera izan da.

Ingurune eta une aldakorrei egokitzeko gaitasuna

52450414154_760fb85248_k.jpg

Jardunaldiaren bigarren zatian zuzendaritzen eta errektore kontseiluen gaitasuna izan da aztergai. Bigarren zati honetan kanpoko ikuspegia bertatik bertara ezagutzeko aukera izan da. Hala, hiru protagonista izan dira taula gainean: Josu Jon Imaz (Repsoleko kontseilari delegatua), Francisco Riberas (Gestamp-eko presidente exekutiboa) eta Javier Roquero (Salto Systems-eko ko-sortzaile eta CEOa).

Hirurak bat etorri dira aipatzerakoan lan-taldeak ezinbestekoak direla erakundeen hazkundean, eta talentuaren gestioa ere oso inportantea dela, ekintzailetzarako gaitasuna, “berrikuntza irekia eta dibertsitatea -generoarena, geografikoa, adinena edo eta ikuspegi egokiarekin” batera. Alderdi humanistikoa, enpresaren xedea, eta luzera begirako eta gertura begirako kudeaketaren konbinazioa ere inportanteak dira, azaldu dute.

Lan-taldeak ezinbestekoak dira erakundeen hazkundean, eta talentuaren gestioa ere oso inportantea da 

Gonbidatuei galdera bat egin zaie: zer behar dugu lehiakorragoak izateko? Roquerok dibertsitate gehiago aipatu du “kanpoko ikuspegiak aukera gehiago eskainiko baititu” esan du. Imazek malgutasunaren kontzeptua aipatu du “ausartak izan behar gara gauza garrantzitsuenetan”. Riberasek, berriz, talentuaren kudeaketan jarri du fokoa, “enpresen lehiakortasunaren iturria da” adierazi du.

2c1e375b-80e4-456b-97bd-f2f56951385b.jpg

> Ikusi argazki galeria

Foroa grafikoki laburtua:

 Resumen Foro MONDRAGON 2022.jpg

> Deskargatu irudia