MONDRAGON, ikerketa, garapen eta berrikuntzan erreferente

Innobasquek eginiko "2022ko euskal berrikuntzaren egoeraren txostenean" MONDRAGON nabarmen ageri da.
Card image cap
2022/07/27

Euskal berrikuntzaren egoerarean laugarren txostenak bi urteko maiztasuna izaten du eta bertan ageri dira Euskadiko Zientzia, Teknologia eta Berrikuntzaren Sistemaren baitan dauden 250 profesionalen pertzepzioak Euskadiko berrikuntzaren, garapenearen eta teknologiaren inguruan. Erakunde eta profesional horiek Berrikuntzaren Euskal Agentziaren, Innobasqueren, kide dira eta askotariko ekarpenak egiten dituzte: bai enpresa arlokoak, zientifikoak, teknologikoak, gizarte arlokoak edo eta instituzionalak. Hala, euskal berrikuntzaren argazki orokorra eskaintzen dute. 

Iberdrolarekin eta Petronor, CAF eta Sener-ekin batera top 5-a osatzen du MONDRAGONek

Eta argazki horretan, MONDRAGONek erreferentziazko lekua du. Hain justu ere, Euskadiko I+G+b arloko erakunde nagusienen artean kokatzen da, bigarrena sailkapen berezian. Iberdrolarekin eta Petronor, CAF eta Sener-ekin batera top 5-a osatzen du MONDRAGONek. Era brean, Danobatgroup azaltzen da 12 enpresa aipatuenen artean. Ikerlan eta Mondragon Unibertsitatea ere erreferentziazko erakundeak dira berrikuntzaren sailkapen berezian.

Ondorioak

Ondorio nagusiak aztertuz gero, Innobasqueren txostenaren arabera, Ikerketa eta Garapenak pandemia aurreko sasoian baino garrantzi handiagoa dauka gaur enpresa eta administrazio publikoan. Bestalde, aipagarria da etorkizunaren inguruan txostenak egiten duen aipua. "Trantsizio ekologikoa eta energetikoa eta eraldaketa digitala izango dira etorkizuneko Ikerketa eta Garapen politikak zuzenduko dituzten arloak, baina momentuz, arlo horiek enpresa berrikuuntzan duten eragina moderatua da".

Ikusi txostena osotasunean. 

MONDRAGON taldeko makina-erreminta dibisioa

Ikerketa zentro teknologikoa

Irakaskuntza unibertsitate zentroa