TUlankide MONDRAGON

microFLL MONDRAGON-INNOBASQUEren lehen edizio arrakastatsua

2019/01/19

200 gazte inguruk hartu dute parte ULMA Taldea, Ikerlan, Mondragon Unibertsitatea eta Ausolanek antolatutako torneoan, Mondragon Unibertsitateko Goi Eskola Politeknikoko Iturripeko Campusean
microFLL MONDRAGON-INNOBASQUEren lehen edizio arrakastatsua

microFLL MONDRAGON-INNOBASQUE torneoaren lehen edizioa Mondragon Unibertsitateko Goi Eskola Politeknikoaren Iturripeko Campusean izan da gaur, larunbata. Emozioz beteriko taldekako ikasketa esperientzia honetan, ikasleak ikerketa eta zientziaren arloan murgildu dira. Lehen edizio honetan 20 taldek hartu dute parte, Araba, Bizkaia eta Gipuzkoako ikastetxe ezberdinetatik etorritakoak; konkretuki Arizmendi ikastolatik bost taldek, Mariaren Lagundiatik hiruk, Axular, El Regato, Urkide eta Jesus Maria ikastetxeetatik bik eta Trueba, Egibide, Elburgo eta Zuazola ikastoletatik talde banak.

microFLL MONDRAGON-INNOBASQUE microFLL MONDRAGON-INNOBASQUE

 

Irekiera ekitaldi ikusgarri batek eman dio hasiera egunari. Bertan, Markel Olano (Gipuzkoako Ahaldun Nagusia), Iñigo Ucín (MONDRAGON Korporazioko presidentea), Bixente Atxa (Mondragon Unibertsitateko errektorea), Maria Ubarretxena (Arrasateko alkatea), Leire Bilbao (Innobasqueko zuzendari orokorra), Manu Salaverria (Innobasqueko presidentea) eta Ainhoa Aizpuruk (Ekonomia Sustapenerako Gipuzkoako Ahalduna) botoi handi bat sakatuz bertaratutakoak INTO ORBIT erronkan murgiltzera gonbidatu dituzte.

microFLL MONDRAGON-INNOBASQUE

Interkooperazio ariketa garrantzitsua

microFLL MONDRAGON-INNOBASQUE torneoaren lehen edizioa MONDRAGON Korporazioa, Innobasque, Scientia Fundazioa eta Gipuzkoako Foru Aldundiak sustatua dago, antolakuntza Ulma Taldea, Ikerlan, Mondragon Unibertsitatea eta Ausolan erakundeen esku geratuz. Erakunde ezberdinen arteko interkooperazio ariketa garrantzitsua izan da hau, enpresa, ikerketa eta jakintza arloko kooperatiben eguneroko jarduna etorkizuneko profesionalei gerturatzea ahalbidetuko duena.

Jardunaldiaren arrakasta bermatzeko garrantzitsua izan da parte hartu duten 50 boluntarioen presentzia. Horien artean 20 Floater izan dira, 12 epaile, 2 arbitro zuzendari, 2 Pit Manager, 2 Score eta Time Keeper eta 4 Open Field izan dira.

FIRST LEGO League Euskadi finalerako balizko entrenamendua

FIRST LEGO League Euskadiren finala otsailaren 16an izango da Gasteizko Europa Jauregian, eta bertan parte hartuko duten zenbait taldek beraien proiektuen egoera aztertzeko aukera izango dute microFLL MONDRAGON-INNOBASQUEn. 

microFLL MONDRAGON-INNOBASQUE

Araba, Bizkaia eta Gipuzkoako 44 ikastetxetako 1.500 ikaslek hartuko dute parte FIRST LEGO League Euskadiren hamargarren edizioa den honetan. Aurten ikasleek INTO ORBIT erronkari aurre egin beharko diote, zientzia-proiektua, robotaren jokoa eta balioen atalean. INTO ORBIT erronkaren baitan partaideek espazioan bizitza errazteko soluzio berritzaileak proposatu beharko dituzte, bertan urtebetez bizitzeak sor ditzakeen arazoentzako konponbideak emanez.

Argazki gehiago dituzue Flickr.com-en.

Enpresak

Ausolan

Kolektibitateentzako sukaldaritza eta garbiketa zerbitzuak

http://www.ausolan.com/

Ikerlan

Ikerketa zentro teknologikoa

http://www.ikerlan.com/

Mondragon Unibertsitatea

Irakaskuntza unibertsitate zentroa

http://www.mondragon.edu

ULMA Taldea

ULMAren Departamentu Zentralak

http://www.ulma.com

Erlazionatutako albisteak

Eguraldia
Asteartea 15 Min: 8
Max: 19
Asteazkena 16 Min: 13
Max: 22
Osteguna 17 Min: 13
Max: 22
Bideoak


+ Bideo gehiago

Papereko edizioa
Jarraitu twitterren
LagunAro

Iradokizunak

iradokizunak