Irakurriena
- 1. Espainiako Kongresuak LagunAroren berezitasuna aitortzen duen Errege Lege Dekretua baliozkotu du
- 2. MONDRAGON, etorkizuneko emakume zientzialariengan eragiten
- 3. Markina Xemeingo BeraKruz Ikastola prest FLL Euskadi MONDRAGONen aritzeko
- 4. Lauaxeta Ikastola, klasiko bat FLLn
- 5. Ondarroako Zaldupe Eskolan FLL Euskadi MONDRAGONerako motorrak berotzen
- 6. B-WOMENIN Globalek Otaloran itxi du bere lehen edizioa
- 7. MONDRAGONek lidergo eta gizarte berdinzaleak sustatzen jarraituko du PWNrekin
- 8. FIRST LEGO League Euskadi-MONDRAGON finala, boluntario bila
- 9. Orbik Cybersecurity, kooperatiba mistoa bihurtu den lehen start-up teknologikoa
- 10. 2024ko urtekaria: urtebete iruditan
Lankidetzan jarduteko moduak eta arrazoiak aztergai
Gandiaga Topagunea izan da LANKIk aukeratu duen tokia aurten, kooperazio eta lankidetza ereduak aztertzeko. LANKI, Mondragon Unibertsitatearen kooperatibismoaren ikertegiak, bi ikertzaile gonbidatu ditu gaia aztertzeko: Héctor Marín, Zaragozako unibertsitateko Psikologia eta Soziologia saileko ikerlaria eta Rafael Wittek, Groningen-eko unibertsitateko soziologikoa teorikoa saileko irakaslea eta SCOOP disziplinarteko Zentroaren zuzendaria.
Entzuleen artean, berrogei pertsona inguru elkartu ziren, kooperatibetako ordezkariak, interes handia agertu zutenak eskainitako bi ponentzietan.
Héctor Marínek berak zuzenduriko ikerketaren inguruan mintzatu zen, non gizakion jokaera eta beste animalia espezie batzuen portaera konparatu duen. Ikerketa horren arabera, "biologikoki, primateak eta gizakiok eredu mental oso antzekoak ditugu. Hala ere, gizakiok badugu bestelako berezitasun bat, gizartearekiko orientazioak eta irakaskuntza sozialak baldintzatzen duena. Izan ere, aspektu hauek definitzen dute gure jarduteko modua".
Bere aldetik, Rafael Wittek ikerlariak lankidetza egonkorra aztertu zuen, eta egonkorra izateko dauden arazoak eta konponbideak esplikatu zituen. Batik bat, egungo zuzendaritza ereduak aztertu ditu eta gizakion portaera aipaturiko eredu horien arabera. Horrez gain, zera ondorioztatu du: gizakion izaeraz gain, gizarteko jokabideek zuzenean eragiten dute gure portaeran.
Argazki guztiak hemen: Bilduma