LagunAro, aro berriari so

Diputatuen Kongresuak LagunAroren berezitasuna aitortzea – eta, ondorioz, Gizarte Segurantzaren ordenamenduan tratamendu espezifiko batekin sartzea – oso albiste positiboa da. Are gehiago kontuan hartuta 2022an onartutako Langile Autonomoen Araubide Bereziaren (RETA) erreformak arriskuan jartzen zuela LagunAro gaur egun ezagutzen dugun bezala egotea, mutualisten kolektiboa Gizarte Segurantzan kotizatzera behartzen baitzuen lan etekinen % 100agatik eta kapital higigarriaren etekinengatik.

Esan daiteke entitateak bere etorkizuna argitu duela eta etorkizunari begiratzen diola bere ereduaren oinarri diren gakoetatik: Gizarte Segurantzarekiko lankidetza, kudeaketako lehiakortasuna, gobernantza demokratikoa, gardentasuna eta erantzukidetasuna. Kooperatiben arteko lankidetzarako eta elkartasunerako mekanismo nagusietako bat da LagunAroren proiektua, eta gaur egun 30.000 mutualista baino gehiago biltzen ditu, 117 kooperatibatakoak, osasun laguntzaren 58.000 onuradun baino gehiago, 16.000 pentsiodun, prestazioen katalogo zabal bat eta 7.400 milioi euro baino gehiagoko ondare funtsa dituelarik.

TU Lankide aldizkariaren azken zenbakian LagunAroren etorkizuneko erronkei jarri zaie arreta.

Esteka honetan klik eginez sar daiteke monografikora:
https://www.tulankide.com/eu/bereziak/lagunarok-bere-etorkizuna-argitu-du_632