Irakurriena
- 1. Fagor Electrónicak Triax Digital Solutions (TDS) erosi du, egoitza eta hirugarren sektorerako multimedia soluzioen merkatua gidatzeko
- 2. Nerea Aranguren, DanobatGroupeko eta MIAko zuzendari nagusia eta MONDRAGONeko lehendakariorde berria
- 3. Kooperatibismoaren emakume aitzindariak omen dituzte Kooperatiben Kontseiluak eta Konfekoopek
- 4. 74ko sortzaileei omenaldia egin diete Aurrenak kooperatiban
- 5. Mende erdiko lerroa abestiaren bideoklipa estreinatu du Ikerlanek bere 50. urteurrena ospatzeko
- 6. EduRobotic Synthesis eta WinnBot taldeak izan dira FLL Euskadi-MONDRAGON torneoko irabazleak
- 7. MONDRAGON Healtheko komunikazio taldea Osartenen bildu da
- 8. Mondragon Goi Eskola Politeknikoak Amazoneko langileak trebatuko ditu
- 9. Iñigo Urkullu lehendakariak Lortek bisitatu du
- 10. Kide izango da Ondarroako arraun taldearen babesle nagusia hurrengo hiru denboraldietan
IK4-IKERLAN eta BATZ elkarlanean ari dira azeleragailu elektronikoaren pedal bat diseinatzen
IK4-IKERLAN zentro teknologikoa eta trokelen eta automobilgintzako sistemen diseinuan eta fabrikazioan espezializatutako Bizkaiko Batz kooperatiba elkarlanean ari dira ibilgailuen pedal elektroniko baten garapenean. Honek gidariak egiten duen azelerazio eskaria modu zehatzean transmitituko duen sentsoreak edukiko ditu.
Garapen hori automobilgintzaren industriaren laugarren iraultzaren barruan sartzen da; berrikuntza eta digitalizazio integraleko prozesu bat da automobilen fabrikazioan eta ibilgailuen beraien diseinuan, eta teknologia digitalen aplikazioan zentratzen da.
Batzen eta IK4-IKERLANen arteko lankidetza proiektuak sinergiak batzea dakar, erakunde biek automobilgintzaren sektorean jauzi kualitatibo bat eman ahal dezaten.
Ibilgailuen gero eta digitalizazio eta automatizazio handiagoak elementu mekanikoak elektroniko batzuekin ordeztea dakar. Hala, automobilen azelerazio pedalek betidanik logika mekaniko oso errazei erantzun badiete, oraingo testuinguruan, berriz, non motorren gestio sistema erabat elektronikoa baita, beharrezkoa da pedalei eragiten dieten osagaiak izaera berekoak izatea.
Lankidetza horren barruan, IK4-IKERLAN zentro teknologikoa arduratuko da kontakturik gabeko sentsoreen sistema diseinatzeaz eta inplementatzeaz. Sentsore sistema horrek pedalaren posizioaren berri emango du une oro, ibilgailuaren kontrol sistemek erantzun egokia eman ahal dezaten.
Eskakizun zorrotza segurtasunean
Proiektuak, zeinarentzat hainbat prototipo garatu baita, erronka bikoitzari egiten dio aurre bere kontzeptualizazioan. Alde batetik, sektoreko araudiak bete behar ditu, baldintza elektromagnetiko eta ingurumen eta segurtasuneko baldintza oso zorrotzekin, eta ez hori bakarrik, fabrikazio prozesuaren aldakortasuna eta pedalaren beraren zahartzea onartzeko sendotasun nahikoa ere eduki behar du.
Gaur egun, pedal konfigurazio eta sentsore sistema desberdinekin garatutako prototipoak homologatuta daude tenperatura, iraunkortasuna, bateragarritasun elektromagnetiko eta elektrikoen saiakuntzen bitartez eta automobil fabrikatzaile zorrotzenen eskakizunen menpe. Zentzu horretan, IK4-IKERLAN ekipamenduan inbertitzen ari da, automobilgintzaren sektorearen berezko EMC saiakuntzak (Bateragarritasun Elektromagnetikoaren Saiakuntzak) in-house egin ahal izateko, lan ildo hori bultzatzeko apustu garbia eginda.
Sinergien batura
Garapenarekin Batzek bere azelerazio pedal propioa eduki ahal izango du, eta horrekin merkatuan munduko bigarren hornitzaile gisa posizionatu ahal izango da, fabrikatzaileei pedal multzo osoa eskainita, hau da, pedalaren zati mekanikoa zein elektronikoa.
IK4-IKERLANi dagokionez, berriz, ekimen honekin sentsorikan, araudietan eta saiakuntzetan duen ahalmena handituko du, eta aplikatu ahal izango ditu automobilgintzaren sektorean goi mailako segurtasunaren gainean dituen ezagutzak.