Irakurriena
- 1. Eroskiko Kontseilu Errektoreak bonuen jaulkipen bat onartzeko eskatuko dio Batzar Nagusiari
- 2. MONDRAGON Healthek osasunaren merkatuan duen presentzia indartu du
- 3. Fagor Automation, Soraluce eta Danobat Hannoverreko EMO 2023 azokan
- 4. Mondragon Unibertsitateak eta LABORAL Kutxak talentua erakartzeko hitzarmena sinatu dute
- 5. Urriaren 22an egingo dute Mundukideren VIII. lasterketa solidarioa
- 6. "Talentua, berrikuntza eta ekintzailetza dira Mondragon Unibertsitatearen bereizgarriak"
- 7. Hamaika gaztek beren bizitzako abentura biziko dute
- 8. Aldaketa Stirling Zentroan eta Osagaien Dibisioko Berrikuntza zuzendaritzan
- 9. Mondragon Unibertsitateak 14 titulu berri eskainiko ditu hainbat jakintza-arlotan
- 10. IDEKOk piezak mekanizatu bitartean bibrazioak murrizteko teknologia berriak aurkeztu ditu Dublinen
Humanity at Music Durangoko Azokan aurkeztu da
Orain aste batzuk MONDRAGON Korporazioaren egoitza korporatiboan aurkeztu bazen, atzo abenduak 7, Humanity at Music proiektuaren sustatzaile eta egileak Durangoko Azokara gerturatu ziren, euskal kulturaren hitzordu garrantzitsuenean, liburua eta proiektua aurkeztera. MONDRAGONeko Esperientzia Kooperatiboaren musika eta letrak Azokako areto nagusian aurkeztu zituzten.
MONDRAGONeko Komunikazio zuzendari den Javier Marcos eta Harreman Instituzionaletako zuzendari Iñigo Albizurirekin batera, lau idazlek ere parte hartu zuten aurkezpenean: Leire Bilbao, Katixa Agirre, Gloria Totorikaguena eta Pilar Kalzada. Era berean, Jon Sarasua musika piezen letra egilea eta Julio Soto bertsolaria ere izan ziren aurkezpen ekitaldian.
Aurkezpen kantatua
Asko izan ziren aurkezpenera gerturatutako kooperatibetako ordezkariak, eta noski, IUBILO Bilbao Abesbatzako kideak eta Arrasateko Goikobalu Abesbatzakoak ere bertan izan ziren. Guztien artean aurkezpen ekitaldiari amaiera borobila eman zioten, izan ere, bertaratutakoen aurrean 'Etorkizuna-bi hanka' kantua abestu zuten, eta jendearen txalo zaparrada artean amaitu zen ekitaldia.
Hurrengo hitzorduak
Aurrerantzean eta 2019ko irailaren 14a bitartean, zuzeneko ikuskizun handia estreinatuko den eguna, asko izango dira proiektuak izango dituen hitzorduak. Lehenik eta behin, "Humanity Herriz herri" ekimena zuzenean ikusteko aukera izango da, eta lehenengo hitzordua Arrasateko Amaian izango da, otsailaren 22 eta 23ko asteburuan (data konfirmatu gabe). Arrasateko zuzeneko ekitaldiaren ondoren herriz herriko beste saio batzuk etorriko dira, Euskal Herriko zenbait herri eta hiriburutan.
Proiektu parte-hartzailea
Proiektuan parte hartu nahi duten kooperatibetako kide guztiek izango dute aukera izena emateko. Honako helbidera bidali beharko dute eskaera mezua. hatmusic@mondragoncorporation.com eta bertan jarri beharko dute zein diziplina artistikotan parte hartu nahi duten (abesbatza, antzerkia, dantza). Era berean, izen-abizenak, helbide elektronikoa, telefonoa eta kooperatibaren izena ere jarri beharko dituzte.