Irakurriena
- 1. Komunikazioa, marka, estrategia eta kontakizuna, K-FOROA 2025aren osagai nagusiak
- 2. Pepe Mujica MONDRAGONen izan zen
- 3. Orbeak emaitza onekin ziurtatu du bere urrats sendoa
- 4. Bexen Cardiok bat egin du MONDRAGON Hospitality egitasmoarekin
- 5. Eroskik 81,7 milioi euroko etekina lortu du 2024an
- 6. Berener Bergarako energia komunitateko bazkide laguntzaile bihurtu da Fagor
Hamaika gaztek beren bizitzako abentura biziko dute

Hego Amerikako herrialde harrigarri horren berri izatea da bidaiaren helburua. Kontrastez betetako herrialdea da, hedaduraz txikia, baina kultura- eta natura-aberastasun handikoa.
Lankidetza horren bidez, LABORAL Kutxak eta Mundukidek kontzientzia sozial handiagoa sorrarazi nahi dute gazteen artean
Askotariko jarduerak aurreikusi dira gazteentzat; esaterako, waoranien herria bisitatuko dute Amazonian —hainbat komunitate bizi dira bertan—. Ekuadorreko 18 herri indigenetako bat dira waoraniak. Berriki kontaktatutako herritzat hartzen du NBEk, duela oso gutxi, 65 urte, izan baitzuten lehen harremana zibilizazioarekin. Komunitate indigena horren bizitza-proposamenean, ingurunea arriskuan jartzen duten mehatxuetatik babestu eta kontserbatzea da ardatza; horretarako, turismoaz baliatzen da, bere kultura eta bizimodu alternatiboa erakutsiz.
Askotariko jarduerak aurreikusi dira gazteentzat; esaterako, waoranien herria bisitatuko dute Amazonian —hainbat komunitate bizi dira bertan—
Bisita eta txango ugari egingo dituzte gazteek, eta, herrialdea bere osotasunean ezagutzeko, Ekuadorreko 4 gazte izango dituzte lagun espedizioan. Hartara, ideien, bizipenen eta zenbait gizarte-gairi buruzko ikuspuntuen berri eman ahal izango diote elkarri.
Lankidetza horren bidez, LABORAL Kutxak eta Mundukidek kontzientzia sozial handiagoa sorrarazi nahi dute gazteen artean, eta, aldi berean, gure gizartean eragin positiboa izan, parte-hartzaileek bidaian ikasitakoaren bidez.