Irakurriena
- 1. Danobatek 20 milioi euro inbertitu ditu Elgoibarko egoitzan berrian
- 2. LABORAL Kutxa Frantziako Tourrean izango da
- 3. Gipuzkoako Bazkundeak saria eman dio MLAKoop kooperatibari
- 4. Arkaitz Etxezarreta, Errekako zuzendari nagusi berria
- 5. “Gizarte hobe bat sortzea, hori da gure utopia eta, gure inperfekzio guztiekin, utopia hori lurreratzen saiatzen gara”
- 6. Espainiako Bankuko gobernadoreak MONDRAGON bisitatu du
- 7. Errekak Darwin Biomed startuparekin bat egin du, Health linea bultzatzeko helburuarekin
- 8. Ingeniaritza eta Zerbitzuen Dibisioa Advanced Factories-en egongo da
- 9. Arizmendi ikastola, 20 urte
- 10. Parte-hartze handia LagunAro BGAEren 2024ko ohiko batzarrean
Genero Berdintasunaren Gida argitaratuko du laster MONDRAGONek
"Kooperatiben berdintasun planen eta diagnostikoaren gida metodologikoa eta praktikoa" laster kooperatibetan izango da. Azken urteotan lanean ari dira aipatu eskuliburuarekin eta "MONDRAGONen Berdintasunaren Foroaren" lehenengo proiektuetako bat da. Guztira, lan saioetan, tailer eta bilera ezberdinetan 40 kooperatiba inguruk parte hartu dute.
Azken urteotan lanean ari dira aipatu eskuliburuarekin eta "MONDRAGONen Berdintasunaren Foroaren" lehenengo proiektuetako bat da
Berdintasun plan baten garapenean eman beharreko hiru pausoak jasotzen dira gidan: prozesuaren abiapuntua, diagnostikoa eta planaren onarpena. Hala, fase bakoitzerako gomendio praktikoak jasotzen dira.
11 lan eremu
Gidak diagnostikoan jartzen du fokoa eta bereziki 11 lan eremu definitzen ditu lanean hasteko. Honako hauek dira eremu horiek: Lan-taldearen informazio orokorra eta lan baldintzak, emakumeen infraordezkaritza eta sailkapen profesionala, aukeraketa eta kontratazio prozesuak, formazioa, promozioa, soldatak eta soldata auditoria, bizitza pertsonal, familiar eta lan-bizitzaren eskubideen ariketa erantzunkidea, prebentzioa eta sexu erasoen aurrean hartu beharreko neurriak, lan osasuna, komunikazio ez sexista eta kultura eta erakundearen kudeaketa.
Era berean, gidak berdintasun planen helburuak lortzeko eman beharreko pausoak ere zenbatzen ditu, eta planaren jarraipen sistema definitzen du.