Gazteentzako programazio tailerrak Garaia Parke Teknologikoan, Algorithmics-en eskutik

Garaia Parke Teknologikoa izan da Algorithmics-ek antolatutako ate irekien jardunaldien egoitza irailaren 2an eta 9an. 40 gazte baino gehiagok hartu dute parte Python klase praktikoetan, programazio bisualeko saioetan eta txikienei zuzendutako Caballero del código izeneko moduluan.

Garaia Parke Teknologikoak bere rola indartu du teknologia eta berrikuntza arloen sentsibilizazioan, gazteen artean

Bertan, programazioaren sarreran, adimen artifizialean eta bideojokoen diseinuan trebatzeko aukera izan dute, adinaren arabera egokituta. Helburua izan da gaitasun digitalak belaunaldi berriei hurbiltzea, ingurune dinamiko eta eskuragarri batean, egunerokoan erabiltzen ditugun aplikazio eta programen oinarrian dagoen teknologia ulertzeko gai izan daitezen.

Jarduerak doan garatu dira, gurasoen laguntzarekin, Algorithmics-en eskutik 2025-2026 ikasturtean eskainiko den prestakuntza eskaintza ezagutzeko aukera izan dezaten

Ekimen honekin, Garaia Parke Teknologikoak bere rola indartu du teknologia eta berrikuntza arloen sentsibilizazioan. Algorithmics-ek, bere aldetik, konpromisoa sendotu du teknologia hezkuntzarekin, ingurune digitalaren erronkei egokitutako hezkuntzaren aldeko apustua eginez.