Euskara planen erakusleihoa: LABORAL Kutxa

Euskara planen erakusleihoen testuinguruan Laboral Kutxaren euskara plana aurkezten dugu. Hizkuntzarekiko posizionamendua indartzeko garatutako planaren helburu eta emaitzak aurkezten dira bertan. 

Euskara planaren indarguneak:

• Entitateak bezeroei zerbitzua eta produktuak euskaraz eskaintzen dizkie
• Hizkuntza-politika sendoa: euskara zerbitzu-hizkuntza izatetik lan-hizkuntza izateko helburua.
• Entitateak euskararekiko duen jarrera proaktiboa sinatutako hitzarmenen bitartez.

Lorpen nagusiak:

• Bezeroek aukera dute harreman komertzial guztiak euskaraz egin ahal izateko, eta langileek ere aukera dute lanean eta laneko harremanetan euskaraz egiteko.
• Euskararen gestioa LABORAL Kutxaren gestio orokorrean txertatu izana
• Urrezko BIKAIN-Euskararen Kalitate Ziurtagiria bereganatu duen finantza-erakunde bakarra da.
• Lanpostu guztietarako hizkuntza-eskakizunak definituta daude, eta betetze-mailari jarraipen zorrotza egiten zaio.
• Entitatearen atal guztietarako ezarrita daude hizkuntza-irizpideak (irudia/publizitatea, harremanak, komunikazioa eta lan-tresnak, eta hizkuntza-kudeaketa).
• Langileek euskara ikasteko aukera izan dezaten, trinkotasunean oinarritutako trebakuntza-proiektu ausarta jarri da abian.
  
  

Egungo erronkak:

• Bulegoetako langileen euskara-maila hobetzea.
• Bezeroekiko euskarazko zerbitzu-maila areagotzea, kalitatea zainduz.
• Kanpoko ekitaldi publikoetan euskararen presentzia areagotzea.

Bizpahiru adierazle

• Elebitasun tasa: %60
• Bezeroen gogobetetasun-maila euskarazko zerbitzuaren inguruan: 2018an 79,1 puntu (100etik), eta 2017an 77,2 puntu.
• Kanpo-hitzarmenak: hartutako konpromisoen betetze-maila oso altua da (%95).