TUlankide MONDRAGON

EROSKIk LEAN & GREEN saria irabazi du, CO₂ gutxiago igortzeko

2018/10/10

LEAN & GREEN proiektuaren helburua konpainia liderren sare bat eratzea da, iraukortasun logistikaren alorrean, aurrezpen gaitasuna handitzeko eta bere CO₂ emisioak %20 behintzat gutxitzeko 5 urtean.
EROSKIk LEAN & GREEN saria irabazi du, CO₂ gutxiago igortzeko

María Tena, AECOCeko ordezkariak entregatu dio saria Alberto Madariaga, EROSKIko operazio zuzendariari.

EROSKIk LEAN & GREEN proiektuko saria irabazi du AECOC Ekoizleen eta Banatzaileen Elkartearen eskutik. Ziurtagiri horrekin, EROSKI Taldea liderra izango da LEAN & GREEN plataforman, kontsumoaren sektoreko beste hamabost enpresarekin.

LEAN & GREEN proiektuaren helburua da konpainia liderren sare bat eratzea iraunkortasun logistikaren alorrean, zertarako eta aurrezpen gaitasuna handitzeko eta CO₂ emisioak %20 behintzat gutxitzeko 5 urtean. Sari horrekin, EROSKIk erakusten du 2015 eta 2020 artean ehuneko hori gutxitzeko ekintza plana aurkeztu duela. Europan LEAN & GREEN dago kolaborazio plataformarik handiena, bereziki horniketa-kateko emisioak gutxitzeko bideratua. Nazioarteko eta lanbide arteko ekimen bat da, helburu duena enpresei laguntzea berotegi efektuko gasak gutxitzen; horrekin batera, asmoa da helburu zenbatgarri bat iristen laguntzea eta beste enpresa batzuekin maila nazionalean bezala Europa mailan lankidetzan aritzea; orobat, jardunbide onak partekatzea, eta iraunkortasunaren erreferente izatea, segimendu sistema garden eta jarraitzeko moduko baten bidez.

"Logistikaren eremukook eta EROSKI Talde osoak uste dugu bost urtean igorpenak %20 gutxitzearekin batera, gure lan eta kontrol prozedurak sendotzen eta gaurkotzen ditugula ingurumena ardatz harturik gure Osasunaren eta Iraunkortasunaren aldeko Konpromiso berrituak betetzeko orduan", esan du EROSKIko operazio zuzendariak, Alberto Madariagak. "Lean & Green ekimena ezin hobe ezkontzen da erakundearen helburuarekin; hau da, berotegi efektuko gasen emisioa gutxitzea. Bost urtean logistikaren eremuan emisioak %20 jaitsiz gero, errazago lortuko dugu 2025erako %25 jaisteko helburu globala".

AECOCek, berriz, EROSKI zoriondu du "konpromiso sendoa agertu duelako garapen eredu iraunkor baten alde, eta, orobat, berotegi efektuko gasen emisioak neurtzeko eta gutxitzeko planak eginak dituzten enpresen buruzagitza hartu duelako", esan du erakundeko zuzendari nagusiak, Jose M. Bonmatik.  

Logistika efizienteagoa

Joan deneko bi urtean ari da EROSKI neurriak hartzen. "2017ra arte harturiko neurriekin, %12,94 gutxitu dugu CO₂ kopurua. Horretarako, berrantolaketak egin behar izan ditugu Erdialdeko, Hegoaldeko eta Iparraldeko plataformetan, Freskoen eta Elikagaien ibilbideak integratu ditugu eta eskifaian gehien kutsatzen zuten ibilgailuak kendu egin ditugu", azaldu du kooperatibako operazio zuzendariak.

Eguraldia
Asteazkena 20 Min: 4
Max: 12
Osteguna 21 Min: 6
Max: 13
Ostirala 22 Min: 7
Max: 12
Bideoak


+ Bideo gehiago

Papereko edizioa
Jarraitu twitterren
LagunAro

Iradokizunak

iradokizunak