Irakurriena
- 1. Espainiako Kongresuak LagunAroren berezitasuna aitortzen duen Errege Lege Dekretua baliozkotu du
- 2. MONDRAGON, etorkizuneko emakume zientzialariengan eragiten
- 3. Markina Xemeingo BeraKruz Ikastola prest FLL Euskadi MONDRAGONen aritzeko
- 4. Lauaxeta Ikastola, klasiko bat FLLn
- 5. Ondarroako Zaldupe Eskolan FLL Euskadi MONDRAGONerako motorrak berotzen
- 6. B-WOMENIN Globalek Otaloran itxi du bere lehen edizioa
- 7. MONDRAGONek lidergo eta gizarte berdinzaleak sustatzen jarraituko du PWNrekin
- 8. FIRST LEGO League Euskadi-MONDRAGON finala, boluntario bila
- 9. Orbik Cybersecurity, kooperatiba mistoa bihurtu den lehen start-up teknologikoa
- 10. 2024ko urtekaria: urtebete iruditan
EROSKIk 13,4 milioi euroren interesak ordaindu dizkie mendeko ekarpen eta obligazioetan inbertitu dutenei

EROSKIk bihar abonatuko ditu, hilaren 31n, Mendeko Finantza Ekarpenei dagozkien urteko interesak, %2,891ko tasan 2002ko eta 2004ko jaulkipenetarako, eta %2,391an 2007korako. Bihar, otsailak 1, EROSKIk Mendeko Obligazioen urteko interesak abonatuko ditu, %2,891ko tasan. Guztira, 13,4 milioi euro abonatuko dizkie EROSKIk interesetan inbertsio tituluak dituztenei.
EROSKIk bere burua indartzeko MFEen lehen jaulkipena egin zuenetik (2002an), kooperatibak zuzen ordaindu dizkie urteko interesak inbertsiogileei; dagoeneko, 387 milioi euro guztira. MFEak eta Mendeko Obligazioak ordaintzeko, zeina ez baita kooperatibaren emaitza ekonomikoen araberakoa, erreferentzia gisa Euriborra gehi hiru puntu hartzen du MFEen 2002ko eta 2004ko jaulkipenetarako eta Mendeko Obligazioetarako eta %2,5eko diferentziala MFEen 2007ko jaulkipenerako.
Abonu horren bitartez, MFEa 2002an hartu zuen inbertsiogile batek dagoeneko hasierako inbertsioaren %82 jaso du interesetan, eta %91 orain urte bat iraungitzen diren Mendeko Obligazioen trukea egin bazuen. MFEen 2004ko inbertsiogile batek, berriz, %70 hartu du dagoeneko interesetan, eta, trukea egin bazuen, %79; eta 2007ko batek bere inbertsioaren %46 jaso du, edo %54, trukea egin bazuen.
2020. urterako, interes tasa %2,722an geldituko da (-%0,278 + %3ko diferentziala) MFEen 2002ko eta 2004ko jaulkipenetarako eta Mendeko Obligazioetarako, eta %2,222an (-%0,278 + %2,5eko diferentziala) 2007korako, eta guztiak abonatuko dira datorren urtean.