Zentro teknologikoa, Elikagaien Teknologian eta Polimeroetan espezializatua.
Irakurriena
- 1. Iñigo Albizuri: "Giza desberdinkeria murrizteko hazten jarraitzea da kooperatibismoaren etorkizuneko erronka handiena"
- 2. "Erregai fosiletatik energia berriztagarrietara egin beharreko trantsizio honek 2-3 hamarkada beharko ditu”
- 3. Europa erdian, bezero eta lehengaia nagusia bertatik bertara kudeatzeko aukera
- 4. "Energia" aztergai TU Lankideren azken zenbakian
- 5. MONDRAGONek bere azken soluzioak aurkeztu ditu Bienalean
- 6. “Gorputzari kaña emateko gogoz atera nintzen pandemiatik”
- 7. Danobatgroupek bere azken berrikuntzak aurkeztuko ditu BIEMHen
- 8. Adimen artifizialeko, doitasuneko, robotikako eta konpositeetako azken aurrerapenak aurkeztuko ditu Idekok
- 9. Ikerlanek bere pontentzial teknologikoa aurkeztuko du hitzaldien bidez eta espazio dinamikoan
- 10. 'Hazia' Arizmendiarrietaren gaineko musikalaren doinuak gozo datoz
Elikagaien industriaren erronkei buruzko jardunaldia Leartikerren
"Bikaintasuna, biofilmak eta higiene jasangarria: elikagaien industriaren erronka handiak" izenburupean, Christeyns, ELHITEK, Esneki eta Leartiker enpresek jardunaldi tekniko bat antolatu dute sektoreko profesionalentzat. Bertan, elikagaien segurtasunari, 4.0 higieneari eta bikaintasunari, patogenoei eta desinfektatzaileekiko erresistentziei, higienearen kontrolari, industriako alergenoei eta industriako higieneari lotutako gaiak jorratuko dira. Jardunaldia datorren ostiralean, maiatzak 6, ospatuko da Leartikerren instalazioetan, Markinan, Enpresa aretoan, Esperanza eraikineko lehen solairuan.
Jardunaldia goizeko 10etan hasiko da eta hainbat ponentzia aurkeztuko dira, elikagaien segurtasunarekin zerikusia duten alderdiak hobeto ulertzen laguntzeko. Horrela, kutsadura gurutzatuak saihesteko eta patogenoek desinfektatzaileekiko duten erresistentzia saihesteko, zelulak kontrolatzeko teknikak landuko dira. Higienea kontrolatzeko tresnei buruzko berrikuntzak ere aurkeztuko dira, gainazaletan kutsadura erraz eta ahalik eta gehien detektatzeko eta biofilmak izateko.
Jardunaldian jorratuko den beste alderdietako bat zerbitzuaren bikaintasuna da, industriak bezeroekin duen benetako balio gisa, besteak beste, CHRISTEYNSen Higiene Integraleko Zerbitzua, SGSk ziurtatu duena. Jardunaldiaren amaieran, mahai-inguru bat egingo da, eta, bertan, zenbait kasu praktiko azalduko dira.
Izen-emateak
Jardunaldia goizeko 10etan hasiko da eta 13: 45ak arte iraungo du. Parte hartu nahi duten guztiek Christeynsen webgunean izena eman beharko dute, doan. Eskaerak jasotzeko epea maiatzaren 4an itxiko da.
Zentro teknologikoa, Elikagaien Teknologian eta Polimeroetan espezializatua.
