Dena prest igandeko lasterketarako

Oraindik ere izena emateko epea zabalik dago eta egunean bertan ere aukera izango da, goizeko 9:00etatik 10:00etara, lasterketa gunean.

Hona hemen kontuan hartu beharreko hainbat datu:

• Lasterketa kooperatiba guztiei eta kooperatibez osatutako organuak dituzten entitateei irekia dago.
•  Urkuluko sarreratik aterako da goizeko 11:00etan.
• Enpresa bereko 3 lagunez osatu behar dira taldeak.
• Talde osoa batera iritsi behar da helmugara.
• Dortsalak, egunean bertan  Otalora jauregiko aparkalekuan jaso beharko dira 9:00etatik aurrera.

Mailak:

• Gizonezkoak (3 gizon)
• Emakumezkoak (3emakume)
• Mistoa (sexu ezberdineko korrikalari bat gutxienez)

7 km-ko ibilbidea

Urkuluko urtegia Aretxabaletako udalerrian kokatua dago, eta bere perimetroaren distantzia 6,4 km-koa da;  perimetro eta edukiaren arteko ekuazio geometriko perfektu bat, bidaiaria erabateko ongizate batean bilduko duena.

Auto bidezko sarbidea Aretxabaletako herritik egiten da,  hirigunetik hasitako 3km inguruko igoera gogor baten ostean.  Urkuluko urtegia 333m-ko altueran kokatua dago.

Jendea orokorrean pasiatzera, korrika egitera edota patin zein bizikletan ibiltzera etortzen da.  Urtegiaren perimetroa guztiz asfaltatua dago.  Lur mugimenduen eraginez ibilbideko  zenbait tartetan lurra ezegonkortu egin den arren, orokorrean egoera oso ona da.

Horretaz gain, honako kategoria hauetan ere posible izango da parte hartzea: 

NORDIC WALKING IBILALDIA

Ezaugarriak:

• Partehartzea publiko guztiari zabalik dago.
• Ibilaldia Urkuluko sarreratik aterako da goizeko 10:30etan.
• Ibilaldia ez da lehiakorra izango eta publiko guztiarentzat izango da.
• Edozein koloreko kamisetak eraman daitezke.
• Dortsalak, egunean bertan  Otalora jauregiko aparkalekuan jaso beharko dira 9:00etatik aurrera.

OINEZKO IBILALDIA

Ezaugarriak:

• Partehartzea publiko guztiari zabalik dago
• Ibilaldia Urkuluko sarreratik aterako da goizeko 10:30etan.
• Ibilaldia ez da lehiakorra izango.
• Edozein koloreko kamisetak eraman daitezke.
• Dortsalak, egunean bertan  Otalora jauregiko aparkalekuan jaso beharko dira 9:00etatik aurrera.