Irakurriena
- 1. MONDRAGONek bere urteroko Kongresua egin du Bilbon
- 2. “Abentura zirraragarria izan da”
- 3. Hirekin industria jasangarriko zentro berritzailea inauguratu du Mondragon Unibertsitateak
- 4. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 5. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 6. “Definitu dugu zer ekarpen egin nahi diogun gizarte honi gure ikasleen bitartez”
- 7. Imanol Oleaga Mendiaratz, Domusa Teknikeko zuzendari nagusi berria
- 8. Orkli Biotz enpresan sartu da % 11,11ko parte-hartzearekin
- 9. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 10. Dikarrek bere ekoizpen planta modernoa inauguratu du Arrasaten, etapa berri bati ekiteko
Carlos Mazak hartuko du LagunAroko zuzendaritza nagusia irailaren 1etik aurrera
LagunAro EPSVk atzo bertan, martxoak 28, Kursaalen egindako Batzar Nagusian jakinarazi zuen Luis Mari Ugarte datorren abuztuan erretiratuko dela eta Carlos Maza, erakundeko egungo idazkari nagusia, izango dela zuzendari berria irailaren 1etik aurrera.
Carlos Maza (Sestao, 1975) Ekonomia Zientzietan lizentziaduna da Euskal Herriko Unibertsitatean (1998), eta LagunAro EPSVn sartu zen 2004an, Aldi Baterako Ezintasuneko teknikari gisa. Ondoren, Osasun Laguntza eta Pentsioen zuzendaritza hartu zuen, eta 2010az geroztik idazkari nagusi funtzioak betetzen ari da, Luis Mari Ugarterekin berarekin lankidetza estuan.
Erreleboa gauzatu arte geratzen diren hilabete hauetan, martxan dauden proiektuak garatzeaz gain, bien arteko ezagutza eskualdatuko dute.
Luis Mari Ugarte
Ugartek (Bergara, 1963) 13 urtez LagunAroko buru izan ondoren osatu du bere lanbide-zikloa. Sinpletasunean, zintzotasunean, apaltasunean eta hurbiltasunean oinarritutako estilo propioarekin, lanerako gaitasun izugarriarekin, eta LagunAroren kontuak modu erraz eta ulergarrian azaltzeko berezko trebetasunarekin, entitatea garai berrietara egokitzen jakin du. Izan ere, azken urteotako egiturazko erreforma garrantzitsuenak kudeatzea egokitu zaio, hala nola 2010eko pentsio-sistemaren berrikuspena, prestazioen egokitzapena – Alarguntasuna, Ezintasun iraunkorra edo Genero-indarkeria –, Fagor Etxetresnen krisiaren osteko birkokapenen kudeaketa eta erakundearen inbertsioei eragiten dieten finantza-merkatuen gorabehera iraunkorrak. Txalo zaparrada jaso zuen batzarrean lan bikainaren errekonozimendu gisa.