Bihar izango da FIRST LEGO League Euskadi-MONDRAGONen finala, Arrasaten

Ezagutza

Kolektibitateentzako sukaldaritza eta garbiketa zerbitzuak

MONDRAGON taldeko makina-erreminta dibisioa

Zortzi kooperatibek osatzen dugu Fagor Taldea

Ikerketa zentro teknologikoa

Finantza eta aseguru zerbitzuak.

Irtenbide profesionalak.

Centro tecnológico especializado en: • Tecnologías de unión. • Fabricación Aditiva de Metales. • Inspección y Ensayos no Destructivos (END). • Fabricación Inteligente e Industry 4.0.

Erreferentea Automoziorako dekorazioan eta piezen konplexutasun funtzionalean.

Irakaskuntza unibertsitate zentroa

Fastening Solutions, Plastics eta Sarbide Automatikoak

Ingeniaritza eta arkitektura

6 eta 16 urte bitarteko 300 ikasle baino gehiagok hartuko dute parte, 37 taldetan banatuta. Goizeko hamarretan hasiko da ekitaldia betiko atzera kontaketa eta botoi erraldoiaren sakatzearekin.

2024/03/01

FIRST LEGO League Euskadi-MONDRAGON torneoaren finala izango da bihar, martxoaren 2an, Mondragon Unibertsitateko Arrasateko campuseko Iturripe egoitzan. 6 eta 16 urte bitarteko 300 ikasle baino gehiagoz osatutako 37 taldek hartuko dute parte, 17k Explore kategorian eta 20k Challenge kategorian. Ikasleek euren proiektu berritzaileak aurkeztuko dituzte, eta MASTERPIECE erronkari egin beharko diote aurre LEGO piezez eraikitako robotekin.

Aurten, gainera, Gasteiz batuko zaie Bilbo, Donostia eta Arrasateri. Guztira, 171 talde arituko dira berrikuntzaren eta teknologiaren festa handian. Izan ere, Innobasque Berrikuntzaren Euskal Agentziak Mondragon Unibertsitatearekin, Deustuko Unibertsitatearekin eta Euskal Herriko Unibertsitatearekin antolatu du aldibereko FLL Euskadi torneoaren final nagusia. Aurtengoa, 15. edizioa izango da.

Arrasateko ekitaldia 10:00etan hasiko da botoi erraldoiaren sakatzearekin, eta bertan izango da erakundeen eta babesleen ordezkaritza zabala, tartean, Jokin Bildarratz Eusko Jaurlaritzako Hezkuntza sailburua, Eider Mendoza Gipuzkoako Diputatu Nagusia, Maider Morras Arrasateko alkatea, Leire Bilbao Innobasqueko zuzendari orokorra, Bixente Atxa Mondragon Unibertsitateko errektorea eta Iñigo Ucin MONDRAGON Korporazioko Kontseilu Orokorreko presidentea, Arrasateko ekitaldiaren antolatzaileetako bat baita MONDRAGON Korporazioa. Babesleen artean daude, berriz, Arrasateko Udala, Ausolan, Danobatgroup, Dominion Global, Erreka, Fagor Taldea, Ikerlan, Krean, Laboral Kutxa, LKS Next, Lortek eta Maier. Sari banaketa eta itxiera ekitaldia 15:00etan izango da.

110 herrialdetako 650.000 gazte inguru biltzen dituen heziketa programa da FIRST LEGO League, eta ikasleen artean gaitasun teknologiko eta zientifikoekiko interesa aktibatzea du helburu.