Baskegur egunak baso kudeaketa iraunkorra aldarrikatu du

2024ko Baskegur Egunean, PEFC Euskadiren 20. urteurrena ere ospatzen zen. Orain 20 urte ziurtapen-erakundeak bere lehen ziurtagiria ematen zuen, eta lehen urratsak baso-jabetzaren, industriaren eta administrazio publikoen eskutik. Ordurako ikusten zuten «baso kudeaketa iraunkorraren bide horri ekin behar zitzaiola».

Urte hauetan guztietan Euskal Herriko basogintza-zuraren sektoreak lanean jarraitu du, hainbat elkartetan eta orain Baskegur-en bitartez, merezi duten ikusgarritasuna eta aitortza lortzeko helburuarekin.

«Erronka garrantzitsuak ditugu aurretik -ohartarazi zuen Federico Saizek-; sektorearen digitalizazioan aurrera egitea, indartsu, erakargarri eta errentagarri izatea, bere maila guztietan, gure enpresa eta jardueretara pertsona gehiago erakartzeko gai izateko».

Baskegurreko presidenteak bere esker ona adierazi nahi izan zien Euskal Herrian baso-egurraren sektorean lan egiten duten pertsona guztiei, «sektorea jasangarritasunaren hiru ardatzetan lan egiteagatik: ekonomikoa, ingurumenekoa eta soziala.